OnePlus ឆ្លៀតឌឺ Apple ចុកៗរឿង iPhone 7 គ្មានរន្ធកាស 3.5mm

2017-06-21 02:38:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អំឡុងពេលប្រកាសចេញ OnePlus 5 កាលពីយប់មិញ OnePlus បានឆ្លៀតពេលឌឺដង Apple រឿងដករន្ធកាស 3.5mm ចេញពី iPhone 7 និង iPhone 7 Plus។

ពេលនោះលោក Diego Heinz អ្នកឌីហ្សាញប្រចាំក្រុមហ៊ុន OnePlus លើកឡើងថា ៖ "នៅផ្នែកខាងក្រោម អ្នកនឹងឃើញថាយើងបានដករន្ធកាស 3.5mm ចេញ ដោយជួយបង្កើនភាពឡូយឆាយនៃរូបរាងរបស់ OnePlus 5។ ហើយនរណាដែលត្រូវការរន្ធដោតកាស 3.5mm ទៀតនោះ? នេះជាមូលហេតុដែលមាន Bluetooth ត្រូវទេ?”។ បន្ទាប់មកអ្នកឌីហ្សាញរូបនេះបន្ថែមថា ៖ "ខ្ញុំគ្រាន់តែកំប្លែងលេងទេ។ ពិតណាស់ OnePlus 5 គឺមានរន្ធដោតកាស 3.5mm”។

ក្រោយមកទៀត Diego ក៏បន្តបង្ហាញ Tweet មួយដែលស្រង់មតិពីរន្ធកាស 3.5mm ដែលលទ្ធផលបង្ហាញថា ៨៨% នៃអ្នកឆ្លើយតបសរុប ៨ ០០០ នាក់ លើកឡើងថាពួកគេចូលចិត្តរន្ធកាស 3.5mm។ រំលឹកថានេះមិនមែនជាលើកទីមួយឡើយដែលគូប្រជែងបានឌឺដង Apple រឿងដករន្ធកាស 3.5mm ចេញពី iPhone ជំនាន់ថ្មី ដោយកាលពីខែសីហា ឆ្នាំ ២០១៦ ពេលប្រកាសចេញ Galaxy Note 7 Samsung ក៏ធ្លាប់ឌឺ Apple ពីរឿងនេះដែរ៕

ចុចអាន៖

ប្រភព៖ macrumors ប្រែសម្រួល៖ សុខហេង