ប៊ុត សារ៉ាវុធ ទម្លាយរឿងរ៉ាវពាក់ព័ន្ធតារាចម្រៀងស្រី៣រូប

2017-06-21 04:35:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាសម្ដែងរូបស្រស់សង្ហារ ប៊ុត សារ៉ាវុធ បានទម្លាយរឿងរ៉ាវមួយចំនួនពាក់ព័ន្ធតារាចម្រៀងស្រី៣រូប ដែលលាក់ទុកក្នុងដួងចិត្តជាយូរមកហើយ។ តារាចម្រៀងស្រីទាំង៣រូបមានអ្នកណាខ្លះ?

ប៊ុត សារ៉ាវុធ បានប្រាប់ Sabay ថា តារាចម្រៀងស្រីទាំង៣រូបរួមមាន៖ មាស សុខសោភា សុគន្ធ នីសា និង សុខ ស្រីនាង ។ ពួកគេទាំង៣រូប តែងតែធ្វើឲ្យលោកមានអារម្មណ៍ល្អៗ រំភើប និងសប្បាយរីករាយ ពេលនៅក្បែរពួកគេម្ដងៗ ហើយអ្វីដែលពិសេសជាងនេះទៅទៀតនោះ ពេលថតបទចម្រៀងជាមួយគ្នាម្ដងៗ។

តួអង្គប្រុសក្នុងរឿង "ទឹកចិត្តម្ដាយសម័យថ្មី" បានរៀបរាប់ថា៖ “និយាយទៅអូនពួកគាត់ទាំង៣រូបមានចំណុចពិសេសរៀងៗខ្លួនដែលធ្វើឲ្យបងចាប់អារម្មណ៍ទៅលើគាត់ ឥឡូវបងសុំនិយាយពីកញ្ញា មាស សុខសោភា មុនគេគាត់ជាមនុស្សម្នាក់ដែលម៉ត់ចត់នៅក្នុងការងារ ក្រមិចក្រមើមរួសរាយរាក់ទាក់ និងតែងតែជួយមនុស្សនៅជុំវិញខ្លួនជានិច្ច" ។

ចំណែកឯ សុគន្ធ នីសា វិញជានារីម្នាក់ ដែលមានទំនួលខុសត្រូវខ្ពស់ក្នុងការងារ ជាពិសេសការងារជាក្រុម។ បើអ្នកមិនដឹងវិញមើលមក គិតថានាង ជាតារាចម្រៀងដែលមានឫកពាឆ្មើងឆ្មៃ តែបើស្គាល់ឲ្យច្បាស់ទើបដឹងថា នាងគឺជាមនុស្សម្នាក់គួរឲ្យស្រឡាញ់។

ត្រឡប់មកអ្នកនាង សុខ ស្រីនាង វិញ លោកថា នាងជាតារាចម្រៀងស្រីម្នាក់តែងតែផ្ដល់ស្នាមញញឹម និងភាពរួសរាយរាក់ទាក់ដល់ក្រុមការងារ លេងសើចច្រើន និងយកចិត្តទុកដាក់ខ្ពស់ពេលបំពេញការងារ។

“ចំណុចពិសេសទាំងអស់នេះហើយ ដែលធ្វើឲ្យបងមានអារម្មណ៍ល្អពេលនៅក្បែរពួកគាត់ ទាំង៣នាក់ ពេលធ្វើការជាមួយពួកគាត់បងមិនដែលជួបបញ្ហាអ្វីឡើយ ព្រោះមានតែភាពរីករាយ និងភាពជឿជាក់"។ ប៊ុត សារ៉ាវុធ ថ្លែងបញ្ជាក់៕

ចុចអានរឿងរ៉ាវពាក់ព័ន្ធជាមួយសិល្បៈខាងក្រោមនេះ

រឿងពេលវេលាមួយ ផាន់ ផាត់ណា បែងចែកច្បាស់អីចឹងហ្មង!

ទៀតហើយ! ពេជ្រ អាវីហ្សា ចុកពោះឡើងសន្លប់

ហេតុផល៤យ៉ាងធ្វើឲ្យ ហ្វីយ៉ាតា សម្រេចចិត្តធ្វើខួបកំណើតនៅកោះរុង

អត្ថបទ៖ ឆុង ស៊ីណាន