ឃួន ឡាបូរ៉ាវី លើកហេតុផលដែល U-17 កម្ពុជាចាញ់វៀតណាមម្សិលមិញ

2017-06-22 03:10:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធជម្រើសជាតិកម្ពុជានិងជាសមាជិកក្រុមបឹងកេត ឃួន ឡាបូរ៉ាវី លើកឡើងពីហេតុផលមួយចំនួនដែលយុវជន U-17 កម្ពុជាមិនអាចលេងឈ្នះក្រុមភ្ញៀវវៀតណាមកាលពីយប់ម្សិលមិញនេះ។

កីឡាករ ឃួន ឡាបូរ៉ាវី

កីឡាករ ឃួន ឡាបូរ៉ាវី បានឲ្យដឹងថា តាមការមើលផ្ទាល់របស់លោក ឃើញថាក្រុមយុវជនរបស់កម្ពុជា មានការលេងគឺសហការគ្នាបានល្អ ប៉ុន្តែការបញ្ចប់ទីមិនទាន់បានល្អនៅឡើយទេ ព្រោះខាងកម្ពុជាមានឱកាសបានប៉ុន្មានដង នៅតែមិនអាចរកគ្រាប់បានទេ។

ខ្សែប្រយុទ្ធរបស់ បឹងកេត រូបនេះបន្តទៀតថា បើចំពោះកាយសម្បទាវិញ U-17 របស់កម្ពុជាតូចៗជាងក្រុមវៀតណាមច្រើន ហេតុដូចនេះពិបាកលេង បើនិយាយពីបច្ចេកទេសក៏នៅក្រោមវៀតណាមដែរ ហើយក្រុមភ្ញៀវគេធ្វើបានល្អពេលបញ្ចប់ទី មានន័យថាគេមានឱកាសទៅគឺអាចរកគ្រាប់តែម្ដង។

កីឡាករ ឃួន ឡាបូរ៉ាវី ម្សិលមិញ

កាលពីយប់ម្សិលមិញនេះកីឡាករ ឃួន ឡាបូរ៉ាវី ក៏បានទៅចូលរួមទស្សនាការប្រកួតមិត្តភាពអន្តរជាតិក្នុងឱកាសអបអរខួបគម្រប់៥០ឆ្នាំនៃទំនាក់ទំនងការទូតរវាងប្រទេសកម្ពុជានិងប្រទេសវៀតណាមនៅឯកីឡដ្ឋានជាតិផងដែរ។ គូរបញ្ជាក់ដែរថា U-17 កម្ពុជាចាញ់ U-17 វៀតណាមដោយលទ្ធផល ៤-០ ៕

អត្ថបទ៖ នួន ស៊ីណា