ឪពុក Miley Cyrus និយាយសរសើរគូដណ្ដឹងកូនស្រីខ្លួនពេញៗមាត់ (វីដេអូ)

2017-06-22 03:37:18
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីព្រឹកថ្ងៃពុធនេះតារាចម្រៀងចង្វាក់ស្រុកស្រែ(Country) លោក Billy Ray Cyrus បាននិយាយសរសើរចំៗពីគូដណ្ដឹងរបស់កូនស្រីខ្លួន តារាសម្ដែងសញ្ជាតិអូស្ត្រាលីលោក Liam Hemsworth។

ខណៈពេលដែលតារារូបនេះជួបនិយាយជាមួយពិធីករ Larry Edmur និងពិធីការិនី Kylie Gillies ក្នុងកម្មវិធី The Morning Show លោកបាននិយាយថាលោកគឺជាអ្នកគាំទ្រធំៗមួយរូបសម្រាប់តួរឿង “Hunger Games” ដែលជាគូដណ្ដឹងរបស់កូនស្រី។

លោក Billy បាននិយាយថា៖ "គេជាមនុស្សល្អ" ហើយព្រមទាំងបន្តទៀតថា៖ "គ្រួសាររបស់គេគឺសុទ្ធតែជាមនុស្សល្អៗ យើងស្រលាញ់ Liam គាត់គឺពិតជាបុរសដ៏ល្អម្នាក់"។

លើសពីនេះទៅទៀត ឪពុករបស់ Miley បានរំលឹកពីអនុស្សាវរីយ៍ខ្លះៗ ដែលបង្ហាញពីអារម្មណ៍ពេញចិត្តពេញថ្លើមនឹងទង្វើរបស់អនាគតកូនប្រសាប្រុសរបស់ខ្លួន។

គូសបញ្ជាក់ថា Miley នឹងគូដណ្ដឹង Liam Hemsworth បានចាប់ផ្ដើមទាក់ទងគ្នាតាំងពីឆ្នាំ ២០០៩ មកម្ល៉េះ ហើយក៏ប្រកាសភ្ជាប់ពាក្យនៅឆ្នាំ ២០១២។ ប៉ុន្តែមកដល់ឆ្នាំ ២០១៣ ដោយសារតែមានបញ្ហាចម្រូងចម្រាស់ច្រើនអ្នកទាំងពីរក៏បែកគ្នាមួយរយៈ ប៉ុន្តែក៏ត្រូវរ៉ូវគ្នាវិញថ្មីៗនេះ៕

នេះវីដេអូដែល Billy Ray សរសើរលោក Liam Hemsworth៖

ចុចអាន៖

ប្រភព៖ Dailymail ប្រែសម្រួល៖ ធារ៉ូ