អស់ពី ឱក សុម៉ាលីតា! យប់មិញនេះតារាសម្ដែង វណ្ណៈ បូរមី ត្រូវចោរប្លន់ម្ដង
- 2017-06-23 02:42:48
- ចំនួនមតិ 0 | ចំនួនចែករំលែក 0
អស់ពី ឱក សុម៉ាលីតា! យប់មិញនេះតារាសម្ដែង វណ្ណៈ បូរមី ត្រូវចោរប្លន់ម្ដង
ចន្លោះមិនឃើញ
កាលយប់ថ្ងៃទី២១ តារាចម្រៀងជើងចាស់ ឱក សុម៉ាវត្តី ត្រូវបានចោរឆក់កាបូប ឯយប់មិញនេះតារាសម្ដែងវ័យក្មេង វណ្ណៈ បូរមី បានជួបករណីចោរប្លន់នៅសង្កាត់ព្រែកឯង។
អាន៖ ឱក សុម៉ាវត្តី ត្រូវបានចោរឆក់
នាង និយាយថា៖ "យប់មិញនេះ ពេលខ្ញុំចេញហាត់សមសម្ដែងនៅ ប្រហែលម៉ោង៨ មានចោរម្នាក់វាតាមខ្ញុំ ដោយដំបូងវាប្រុសឆក់ឥវ៉ាន់ តែដល់វាបានព្យាយាមប្លន់យកម៉ូតូ របស់ខ្ញុំតែម្ដង ឥឡូវខ្ញុំអស់ម៉ូតូមួយហើយ"។
ស្រីស្អាតរូបនេះ បន្តទៀតថា ទីតាំងដែលចោរនោះ ប្លន់គឺ នៅ សង្កាត់ព្រែកឯង ខណ្ឌច្បារអំពៅ ក្រុងភ្នំពេញ ហើយមានចម្ងាយប្រហែលមួយគីឡូម៉ែត្រពីផ្ទះរបស់នាង។ នាងបញ្ជាក់ថា ពេលកើតហេតុ នាងបានស្រែកហៅគេជួយដែរ តែដោយសារផ្លូវម្តុំនោះស្ងាត់ពេកទើបគ្មានអ្នកណាឭ។
តារាស្រីវ័យ១៩ឆ្នាំរូបនេះ លើកឡើងថា នាងបានប្ដឹងទៅសមត្ថកិច្ច ភ្លាមៗក្រោយពេលកើតហេតុ ហើយព្រឹកនេះនាងកំពុងចូលជួបសមត្ថកិច្ចម្ដងទៀត ដើម្បីរៀបចំ និងប្រគល់ជូនឯកសារមួយចំនួន។
បូរមី បានឲ្យដឹងពីទ្រព្យសម្បត្តិដែលបាត់បង់រួមមាន ម៉ូតូម៉ាកScoopy ដែលមានស្លាកលេខ 1CH 5493 សម្ភារៈថតរឿង សម្លៀកបំពាក់ សៀវភៅ ស្បែកជើង។ "ទើបតែបើលុយព្រឹកមិញហ្នឹងបង ហើយទិញខោអាវ និងស្បែកជើងសម្រាប់ថតរឿងថ្មី តែឥឡូវអស់រលីងហើយ។ នាងថ្លែង៕
ចុចអាន៖
១០សន្លឹកពីតារាកូនកាត់ឡាវ វណ្ណៈ បូរមី សាមញ្ញ តែទាក់ទាញ
វណ្ណៈ បូរមី ប៉ងធ្វើការងារមួយដែលនារីភាគច្រើនមិនប្រាថ្នា