មានរឿងអ្វីបាន ជា វិបុល និង គង់ សុជាតិ ពោលពាក្យអាណិតកូនស្រី

2017-06-23 03:51:05
ចំនួនមតិ 0 | ចំនួនចែករំលែក 0

ចន្លោះមិនឃើញ

រហូតមកដល់ពេលនេះកូនស្រីដែលជាតំណក់ឈាមរវាង ជា វិបុល និង គង់ សុជាតិ ឈ្មោះ ដូរី មានអាយុបាន៥ខែហើយ។ តើហេតុអ្វីបានជាគូស្វាមីភរិយាមួយគូនេះពោលពាក្យអាណិតកូនស្រី?

ជា វិបុល បានថ្លែងមកកាន់ Sabay ថា លោក និងភរិយាតែងតែមានអារម្មណ៍អាណិតចំពោះកូនស្រី ដោយសារតែកូនស្រីមានអាយុបានតែប៉ុន្មានខែសោះចេញថតស្ប៉តរកប្រាក់ចំណូលចូលគ្រួសារមិនក្រោមខ្ទង់ម៉ឺនដុល្លារនោះទេ។ ប៉ុន្តែទោះបីជាយ៉ាងណាក៏ដោយ វិបុល និង សុជាតិ មានមោទនភាព ទៅលើកូនស្រីអាយុបាន៥ខែប៉ុណ្ណោះតែមានសមត្ថភាពធ្វើឲ្យក្រុមហ៊ុនទឹកដោះគោពេញចិត្ត។

“ចេះតែមានអារម្មណ៍អាណិតនៅពេលដែលគាត់(កូនស្រី) ទៅថតស្ប៉តឲ្យផលិតផល ព្រោះគិតថាគាត់នៅក្មេងអត់ទាន់ដឹងអី ប៉ុន្តែយ៉ាងណាក៏ដោយនេះគឺជាការងារមួយដែលគាត់ គួរទទួលបានដែរ ចាត់ទុកជារឿងមួយដែលល្អ គាត់នៅក្មេងតែក្រុមហ៊ុនត្រូវការគាត់។ ចំណែកពួកខ្ញុំជាឪពុកម្ដាយក៏សប្បាយចិត្ត រកពាក្យនិយាយមិនបានដែរ"។ ជា វិបុល រៀបរាប់។

ជា វិបុល បានបន្តថា ទាក់ទងនិងតម្លៃដែលកូនស្រីទទួលបានពីការថតស្ប៉តលោក សុំមិនប្រាប់ពីចំណូលជាក់លាក់ដែលទទួលបាន តែមិនក្រោមខ្ទង់ម៉ឺនដុល្លារឡើយដែលកូនស្រីទទួលបាន។

ដោយឡែកអ្នកនាង គង់ សុជាតិ វិញបានបន្ថែមថា ចំពោះចំណូលដែលរកបានពីរថតស្ប៉តដែលកូនស្រីទទួលបាន នាង និងស្វាមីមិនបានយកទៅចាយវាយអ្វីនោះទេគឺរក្សាទុកឲ្យកូនស្រីទាំងអស់ រងចាំរហូតដល់គេមានវ័យ១៨ ឆ្នាំ៕