ប្រាក់ចំណេញត្រីមាសទី ២ របស់ Samsung រំពឹងយកឈ្នះ Apple

2017-06-24 02:27:18
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមរបាយការណ៍ចុះផ្សាយថ្មីមួយបានប៉ាន់ប្រមាណទុកនៃប្រាក់ចំណេញសរុបរបស់ SAMSUNG នាត្រីមាសទី ២ ឆ្នាំ ២០១៧ នេះ ដោយអាចទទួលបានចន្លោះពី ១១,៦ ពាន់លានដុល្លារទៅ ១២,៣ ពាន់លានដុល្លារ (អាមេរិក) ។ ខ្ពស់ជាង Apple ដែលគេប៉ាន់ប្រមាណមើល អាចត្រឹមតែ ១០,៥ ពាន់លានដុល្លារប៉ុណ្ណោះ។ ដោយឡែកបើទោះបីជាបូកបញ្ចូលគ្នានៃប្រាក់ចំណេញតែមួយរបស់ Facebook, Amazon, Netflix និង Google ក៏នៅតែទាបជាង ព្រោះអាចបានប្រហែល ១១,១៥ ពាន់លានដុល្លារ។

បើការទស្សន៍ទាយនេះជាការពិត SAMSUNG អាចនឹងទទួលបានកេរ្តិ៍ឈ្មោះដ៏ល្អមួយ ក្នុងប្រវត្តិសាស្ត្រប្រចាំឆ្នាំ ដោយទោះបីជាក្នុងត្រីមាសក៏ដោយ។ ប្រាក់ចំណេញដែលទទួលបាន ភាគច្រើនចេញមកពីចង្វាក់ផលិតកម្មអេក្រង់កោង OLED របស់ខ្លួន និងតម្រូវការផ្គត់ផ្គង់នៃ DRAM និងអង្គចងចាំ NAND ដែលតម្លៃលក់ចេញសុទ្ធតែមានការកើនឡើងសម្រាប់ក្រុមហ៊ុនដែលកម្ម៉ង់ពី SAMSUNG ។

រំលឹកថា Galaxy Note 8 របស់ SAMSUNG ត្រូវបានគេរំពឹងនឹងបង្ហាញខ្លួនជាសាធារណៈនៅអំឡុងចុងខែសីហា ឫអាចឈានចូលដើមខែកញ្ញា មុនការបង្ហាញខ្លួន iPhone 8 ប៉ុន្មានសប្ដាហ៍៕

ចុចអាន៖

ប្រភព៖ AndroidHeadlines ប្រែសម្រួល ៖ កៅ រក្សា