Note 8 តម្លៃអាចដល់ប្រហែល ៩០០ ដុល្លារ ព្រោះកាមេរ៉ាភ្លោះ និង RAM ធំ

2017-06-24 03:07:47
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមការចុះផ្សាយរបស់វិបសាយ Venture Beat ឲ្យដឹងថា Galaxy Note 8 នឹងប្រកាសចេញនៅពាក់កណ្ដាលខែកញ្ញាខាងមុខឯណោះ ហើយអាចជាស្មាតហ្វូនតម្លៃថ្លៃជាងគេបំផុតរបស់ Samsung។

ប្រភពខាងលើលើកឡើងថា Galaxy Note 8 នឹងមានតម្លៃដល់ ៩៩៩ អឺរ៉ូ នៅលើទីផ្សារអឺរ៉ុប ចំណែកនៅអាមេរិកវិញអាចមានតម្លៃត្រឹមតែ ៩០០ ដុល្លារ ប៉ុណ្ណោះ។ នៅអឺរ៉ុបមានតម្លៃថ្លៃជាងព្រោះតែងតែមានអត្រាពន្ធខ្ពស់។

ប្រភពដដែលក៏បញ្ជាក់ពីលក្ខណៈសម្បត្តិរបស់ Note 8 ដែលមានបំពាក់អេក្រង់រាងកោងទំហំ ៦,៣ អ៊ីញ ប្រភេទ Infinity Display ដូចនៅលើ Galaxy S8/S8+ ដែរ។ ប៉ុន្តែវានឹងខុសពី Galaxy S8 ដោយដំបូងគឺមានប្រើប៊ិច S-Pen ដែលអាចនឹងបន្ថែមសមត្ថភាពពិសេសៗជាច្រើនលើសពីមុន។

រូបរាងគំរូ Galaxy Note 8

មួយវិញទៀត Note 8 នឹងមានបំពាក់កាមេរ៉ាភ្លោះនៅផ្នែកខាងក្រោយកម្រិត ១២ MP និង មាន RAM ទំហំដល់ ៦ GB ធំជាង S8 មាន RAM ត្រឹម ៤ GB។ យ៉ាងណាក្ដី Note 8 នឹងមានបំពាក់ឈីប Snapdragon 835 ឬ Exynos 8895 ដូចមានលើ Galaxy S8 ដែរ។ ចំពោះទ្រនាប់ស្កេនក្រយៅដៃវិញនឹងស្ថិតនៅផ្នែកខាងក្រោយ ប៉ុន្តែអាចមានទីតាំងឆ្ងាយពីកាមេរ៉ាបន្តិច។ ចំណែកថាមពលថ្មមាន ៣៣០០ mAh តូចជាង Galaxy Note 7 ២០០ mAh។

ចុងក្រោយ Venture Beat បញ្ជាក់ថា Galaxy Note 8 នឹងមានជម្រើសពណ៌បី រួមមានពណ៌ខ្មៅ, ពណ៌ខៀវ និង ពណ៌មាស៕

ចុចអាន៖

ប្រភព៖ PhoneArena ប្រែសម្រួល៖ សុខហេង