PSG ពិចារណាយក Bale ប្រសិនបើ Real ចង់លក់ចេញទុកកន្លែងឱ្យ Mbappe

2017-06-26 01:33:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Paris Saint-Germain នឹងពិចារណាចំណាយប្រាក់ច្រើន ដើម្បីទិញយក Gareth Bale ពីក្រុម Real Madrid ប្រសិនបើក្លឹបមួយនេះមានបំណងចង់លក់ចេញដើម្បីទុកកន្លែងមួយឱ្យ Kylian Mbappe។

ក្រុមម្ចាស់ជើងឯក Champions league ២សម័យជាប់គ្នា មានបំណងចង់បានខ្សែប្រយុទ្ធវ័យក្មេងរបស់ក្រុម Monaco ដើម្បីមកពង្រឹងបន្ថែមតំបន់ប្រយុទ្ធរបស់ខ្លួនសម្រាប់រដូវកាលថ្មី។ យ៉ាងណាមិញ ដើម្បីបាន Mbappe ពួកគេមិនត្រឹមតែចំណាយប្រាក់ច្រើននោះទេ ពោលគឺត្រូវធានាថាវត្តមានរបស់កីឡាករបារាំងមួយនេះ អាចជាប់លេងជម្រើស១១នាក់ដំបូងផងដែរ។

បើដូច្នេះមែន ខ្សែប្រយុទ្ធទាំង៣ BBC អាចនឹងមានម្នាក់ត្រូវចាកចេញពី Bernabeu ហើយ។ ដោយម្នាក់នោះ Bale មានភាគរយនឹងចាកចេញច្រើនជាងគេ ដោយសារតែកីឡាកររូបនេះមានរបួសច្រើនចាប់តាំងពីផ្លាស់មកលេងនៅ Real Madrid ។ ខណៈដែល Benzema និង Ronaldo វិញ ហាក់ដូចជាពិបាកក្នុងការចាកចេញណាស់ ព្រោះថាលោក Zidane មិនចង់ឱ្យ២នាក់នេះទៅណានោះទេ។

Kylian Mbappe

ដោយសារតែមើលឃើញដូច្នេះហើយ PSG ដែលកំពុងតែខ្វះតំបន់ប្រយុទ្ធផងនោះ នឹងព្យាយាមទាក់ទង Bale ឱ្យបានមុនគេ ដើម្បីជាការត្រៀមខ្លួន។ ប្រសិនណាបើ Real Madrid លក់មែន នោះពួកគេគឺជាជម្រើសដំបូងហើយដែលទិញយកខ្សែប្រយុទ្ធជម្រើសជាតិវែលម្នាក់នេះ៕

ចុចអានអត្ថបទបន្ដ៖

អាជ្ញាកណ្ដាលចេញមុខសុំទោស រឿងមិនឱ្យគ្រាប់បាល់ចូលទីជិត១ម៉ែត្ររបស់ Barca

បើរឿងនេះកើតឡើង Messi ប្រហែលជាក្លាយជាកីឡាករ Real Madrid បាត់ហើយ

ប្រភព៖ BBC ប្រែសម្រួល៖ មុន្នីរម្យ