OnePlus 5 ផ្ដួល HTC U11 និង Galaxy S8 លើសង្គ្រាមបន្ទះឈីប Snapdragon 835

2017-06-26 01:41:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែ OnePlus 5 ទើបតែបង្ហាញខ្លួនថ្មីៗ ហេតុនេះមានគណនី YouTube ជាច្រើនបានយក OnePlus 5 ទៅប្រៀបធៀបនឹងស្មាតហ្វូនកំពូលៗដទៃដើម្បីចង់ដឹងថាមួយណាខ្លាំងជាង។

ខាងក្រោមជាការប្រៀបធៀបរវាងល្បឿន OnePlus 5, HTC U11 និង Galaxy S8 ៖

ការប្រៀបសមត្ថភាពធ្វើឡើងដោយបើកដំណើរការកម្មវិធីចំនួន ២០ តាមលំដាប់លំដោយដូចៗគ្នាលើស្មាតហ្វូនទាំង ៣។ លទ្ធផលបង្ហាញថាជុំទីមួយ OnePlus 5 ជាអ្នកនាំមុខដោយបញ្ចប់ទៅក្នុងពេល ៥១,៣ វិនាទី, នាំមុខ HTC U11 ៣,៦ វិនាទី និង ដើរលឿនជាង Galaxy S8 ១២,៧ វិនាទី។ ចំណែកជុំទីពីរវិញ OnePlus 5 នៅតែនាំមុខដោយបញ្ចប់ការបើកកម្មវិធីលឿនជាង HTC U11 ចំនួន ៩ វិនាទី និង លឿនជាង Galaxy S8 ២៦,២ វិនាទី។

ចំណាំថាស្មាតហ្វូនទាំងបីសុទ្ធតែប្រើបន្ទះឈីប Snapdragon 835 ដូចគ្នា។ ប៉ុន្តែ HTC U11 និង Galaxy S8 មាន RAM តូចជាង OnePlus 5 ដល់ទៅពាក់កណ្ដាល ដោយ OnePlus 5 មាន RAM ៨ GB ចំណែកស្មាតហ្វូនពីរទៀតមាន RAM ត្រឹម ៤ GB ប៉ុណ្ណោះ។ RAM ទំហំធំនេះជាចំណែកមួយដែលជួយឲ្យ OnePlus 5 អាចរក្សាទុកកម្មវិធីនៅក្នុង RAM បានច្រើនជាង Galaxy S8 និង HTC U 11។ ហេតុនេះទើបនៅជុំទីពីរ OnePlus 5 អាចបើកកម្មវិធីឡើងវិញបានលឿន៕

ចុចអាន៖

ប្រភព៖ GSMarena ប្រែសម្រួល៖ សុខហេង