វិសាល ប្រាប់ឈ្មោះកីឡាករ៣រូបលេងយល់ចិត្តគ្នាជាមួយខ្លួនបំផុត
- 2017-06-26 02:36:44
- ចំនួនមតិ 0 | ចំនួនចែករំលែក 0
វិសាល ប្រាប់ឈ្មោះកីឡាករ៣រូបលេងយល់ចិត្តគ្នាជាមួយខ្លួនបំផុត
ចន្លោះមិនឃើញ
ខ្សែការពារកណ្ដាលរបស់ក្រុមព្រះខ័នរាជស្វាយរៀងកម្ពុជា សឿយ វិសាល ប្រាប់ឈ្មោះកីឡាករបីរូបដែលរូបគេយល់ថា អាចលេងយល់ចិត្តគ្នាជាមួយខ្លួនបំផុតនៅលើទីលានក្នុងក្រុមជម្រើសជាតិកម្ពុជា។
សឿយ វិសាល ជាបេក្ខភាពមួយរូបក្នុងចំណោមកីឡាករទាំង ២៣ នាក់ដែលត្រូវបានលោក Leonardo Vitorino ជាគ្រូបង្វឹកកោះហៅឲ្យចូលក្នុងក្រុមជម្រើសជាតិ U22 ទៅចូលរួមប្រកួតពានរង្វាន់ KBZ Bank Cup 2017 នៅប្រទេសមីយ៉ាន់ម៉ាចាប់ផ្ដើមថ្ងៃទី២៨ ខែមិថុនា ដល់ថ្ងៃទី២ ខែកក្កដា ឆ្នាំ២០១៧។
កីឡាករបីរូបដែល វិសាល គិតថា អាចលេងយល់ចិត្តគ្នាជាមួយខ្លួនបំផុតនោះគឺ ហុង ផេង របស់បឹងកេត ណុប តុលា របស់ព្រះខ័នរាជស្វាយរៀង និង រស់ គង់សម្រេច របស់ក្លឹបព្រះខ័នរាជស្វាយរៀង។ ហុង ផេង ជាកីឡាករម្នាក់អាចមានសមត្ថភាពរារាំងដៃគូមិនឲ្យទៅមុខលឿន ហើយថែមទាំងមានកម្លាំងខ្លាំង មានល្បឿនលឿនទៀតផង។
ចំណែក ណុប តុលា និង រស់ គង់សម្រេច ជាកីឡាករល្អដែល វិសាល គិតថា អាចលេងយល់ចិត្តគ្នាជាមួយខ្លួនខ្លាំង ពីព្រោះពួកគេហាត់រៀននៅក្នុងក្លឹបតែមួយ ព្រមទាំងមានការរស់នៅជាមួយគ្នាច្រើន។ សឿយ វិសាល ជាខ្សែការពារក្នុងក្រុមជម្រើសជាតិកម្ពុជា ដែលតែងត្រូវបានលោក Leo ដាក់ឲ្យលេងពេញ ៩០នាទីមិនថា ការប្រកួតយកឈ្នះ អាហ្វហ្គានីស្ថាន ១-០ និងចាញ់ ឥណ្ឌូណេស៊ី ២-០ជាដើម៕