Vin Diesel និងតួរឿង "Wonder Woman” ជួបគ្នាទាំងបីកូនម្នាក់មួយ!

2017-06-26 07:41:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាល្បីប្រចាំខ្សែរឿង "Fast & Furious” គឺលោក Vin Diesel បានជួបគ្នាជាមួយនឹងតួរឿង "Wonder Woman” អ្នកនាង Gal Gadot ដែលជាមិត្តភក្តិនៅតំបន់ Hollywood Hills សហរដ្ឋអាមេរិក។

តារាវ័យ ៤៩ឆ្នាំរូបនេះបានបង្ហោះរូបថតមួយនៅលើបណ្ដាញសង្គមហ្វេសប៊ុក ដោយបានសរសេរថា៖ "ពេលដែលពួកយើងមិនសំដែងជា Superheroes... ពេញដោយក្តីស្រលាញ់"។ នៅក្នុងរូបនោះគឺគេសង្កេតឃើញអ្នកទាំងពីរបីកូនម្នាក់មួយ ដែលលោក Vin Diesel បីកូនស្រីអាយុ៩ឆ្នាំឈ្មោះ Hania ខណៈដែលតារាស្រីវ័យ៣២ឆ្នាំ Gal Gadot កំពុងតែបំបៅដោះកូនដោយប្រើកំប៉ុងឲ្យកូនស្រីខ្លួនឈ្មោះ Maya ដែលទើបតែមានអាយុ ៣ខែ។

អ្នកទាំងពីរបានស្លៀកពាក់សាមញ្ញៗ ដូចគ្នានៅពេលនោះដោយសារតែសុទ្ធតែជាប់ភារកិច្ចមើលកូន។ តារាទាំងពីររូបនេះបានសម្ដែងជាមួយគ្នាលើកដំបូងនៅឆ្នាំ ២០០៩ នៅពេលដែល Gal Gadot ចូលរួមសម្ដែងក្នុងស៊េរី "Fast & Furious” ជាលើកដំបូងគឺរឿង "Fast & Furious”។ បន្ទាប់មកនាងក៏បានចូលរួមសម្ដែងនៅក្នុងរឿង "Fast Five” ឆ្នាំ ២០១១ និង "Fast & Furious 6” នៅឆ្នាំ ២០១៣។

Vin Diesel និងកូនស្រី

ទោះបីជា Gal ឈប់សម្ដែងនៅក្នុងស៊េរីរឿង "Fast & Furious” ក៏ដោយក៏អ្នកទាំងពីរនៅតែរាប់អានគ្នាយ៉ាងជិតស្និទ្ធ ដែលអាចប្រមាណបានថាពួកគេអាចនឹងមានរឿងដែលសម្ដែងជាមួយគ្នាបន្តទៀតទៅថ្ងៃអនាគត៕