ការពិត កូនច្បង មានភាពឆ្លាតវៃជាង កូនប្អូន ដោយសារតែ មូលហេតុនេះ
- 2017-06-27 07:21:31
- ចំនួនមតិ 0 | ចំនួនចែករំលែក 0
ការពិត កូនច្បង មានភាពឆ្លាតវៃជាង កូនប្អូន ដោយសារតែ មូលហេតុនេះ
ចន្លោះមិនឃើញ
ការស្រាវជ្រាវថ្មីមួយ បានបង្ហាញថា កុមារដែលជាកូនដំបូង មានភាពឆ្លាតវៃជាងប្អូនបង្កើតរបស់ពួកគេ ដោយសារតែ ពួកគេទទួលបាន ការជំរុញសមត្ថភាពខួរក្បាលកាន់តែច្រើនពីឪពុកម្ដាយ នៅក្នុងឆ្នាំដំបូង។
អ្នកសេដ្ឋកិច្ចនៅឯសកលវិទ្យាល័យ University of Edinburgh របស់ប្រទេសស្កុតឡែន បានបញ្ជាក់ដើម្បីបញ្ចប់ការសង្ស័យ លើការអះអាងនេះ ដោយរកឃើញថា កូនទី១ ទទួលបានពិន្ទុប្រលងសមត្ថភាព IQ ខ្ពស់បំផុត ចាប់តាំងពីអាយុ ១ ឆ្នាំ។
ក្រុមអ្នកស្រាវជ្រាវខាងលើ បានសហការជាមួយ ក្រុមមួយផ្សេងទៀត ដែលមកពីសកលវិទ្យាល័យ Sydney University របស់ប្រទេសអូស្ត្រាលី ដោយត្រួតពិនិត្យមើលទិន្នន័យ ពីកុមារចំនួន ៥ ០០០ នាក់ ដែលទទួលបានការធ្វើតេស្ត អាន និង សម្គាល់រូបភាព ក្នុងរយៈពេល ២ ឆ្នាំម្ដង។ តាមរយៈការវិភាគលទ្ធផល ក្រុមអ្នកស្រាវជ្រាវ បានរកឃើញថា កូនច្បង តែងទទួលបានពិន្ទុល្អប្រសើរ លើការធ្វើតេស្ត ដែលទាក់ទងទៅនឹងការគិត។
ជាមួយគ្នានេះដែរ គេបានរកឃើញថា កុមារទាំងអស់សុទ្ធតែទទួលបាន កម្រិតនៃការគាំទ្រលើផ្នែកផ្លូវចិត្តស្មើៗគ្នា ប៉ុន្តែឪពុកម្ដាយរបស់ពួកគេ ហាក់បីដូចជា ចំណាយពេលតិច លើការជំរុញសកម្មភាពខួរក្បាល ជាមួយកូនប្អូនទៅវិញ ដោយក្នុងនោះរួមមានទាំង ការអានសៀវភៅ សិប្បកម្ម និង តន្ត្រី ជាដើម៕
ចុចអាន៖