ធ្លាប់ដឹងអត់? ស្ដាប់បទចម្រៀង K-Pop អាចធ្វើឲ្យអ្នកឆ្លាតបានដោយសារមូលហេតុទាំងនេះ

2017-06-27 23:27:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាការពិតណាស់ ប្រសិនជាអ្នកគ្រាន់តែស្ដាប់ប៉ុន្តែមិនចង់ដឹងពីអត្ថន័យនៃបទចម្រៀង (Lyrics) អ្នកក៏មិនអាចឆ្លាតបានដែរ។ ជាធម្មតាអ្នកគាំទ្រខ្លះៗ ពួកគេខិតខំខ្លាំងដើម្បីឲ្យយល់ដឹងពីភាសានោះឲ្យកាន់តែច្បាស់។

ហើយចំណុចទាំងនេះបញ្ជាក់ពីមូលហេតុសំខាន់ៗដែលអាចធ្វើឲ្យអ្នកឆ្លាត៖

១. រៀនភាសាថ្មីមួយ

បើសិនជាស្ដាប់បទចម្រៀង K-Pop ជាប្រចាំ នោះខួរក្បាលអ្នកទាំងនោះនឹងត្រូវបានហ្វឹកហាត់ឲ្យទទួលស្គាល់ពីភាសាផ្សេងមួយ។ ការរៀនពីអត្ថន័យនៃពាក្យទាំងនេះនិងភ្ជាប់វាទៅវិញទៅមកនៃសំឡេងរបស់វា គឺវាដូចជាការបង្កើតទំនាក់ទំនងខួរក្បាលអីចឹងដែរ។ ឧទាហរណ៍ប្រសិនជាអ្នកធ្លាប់ស្ដាប់បទចម្រៀងជាច្រើនបទ ហើយឮពាក្យដដែលខ្លះៗនោះអ្នកនឹងចាប់អារម្មណ៍ហើយអាចចំណាំទៅថ្ងៃក្រោយ រហូតអាចរីកចំរើនខ្លាំងបើសិនជាយកចិត្តទុកដាក់។

២. ដឹងពីវប្បធម៌

អ្នកស្ដាប់ចម្រៀង K-Pop ពេលខ្លះចូលចិត្តធ្វើអ្វីតាមអ្វីដែលតារាសំណព្វចិត្តរបស់គេធ្វើ និងចង់ដឹងកាន់តែច្រើនពីតារាទាំងនោះក្នុងស្ថានភាពរស់នៅប្រចាំថ្ងៃ។ តាមរយៈបណ្ដាញសង្គម ក៏ដូចជាកម្មវិធីផ្សេងៗនៅលើទូរទស្សន៍ គេអាចដឹងច្រើនពី Idols របស់ពួកគេ ការរស់នៅក៏ដូចជាទំនៀមទម្លាប់ផ្សេងៗរបស់ប្រជាជនកូរ៉េផងដែរ។ នេះអាចជាផលវិជ្ជមានមួយដែលអាចឲ្យអ្នកទាំងនោះកាន់តែមានភាពងាយស្រួលក្នុងការយល់ពីវប្បធម៌ផ្សេងៗទៀតលើពិភពលោក។

៣. ការយកចិត្តទុកដាក់

ការរៀនភាសាថ្មីមួយបង្កើនសមត្ថភាពចងចាំនិងយល់ដឹងបានច្រើន វាធ្វើឲ្យសកម្មភាពផ្សេងៗដែលទាក់ទងនឹងការយកចិត្តទុកដាក់ក្នុងការធ្វើអ្វីមួយ គឺងាយស្រួលជាងអ្នកដែលមិនចេះភាសាមួយទៀត។ ជាក់ស្ដែងពេលស្ដាប់បទចម្រៀង K-Pop ទាំងមិនដែលរៀនពីភាសានេះក៏ដោយ ខួរក្បាលគឺវាយកចិត្តទុកដាក់ទៅលើអ្វីដែលវាធ្លាប់កើតឡើងហើយនៅតែកើតឡើងដដែលរហូតដល់ខួរក្បាលអាចចំណាំបាន។

៤. ចំណុចបន្ថែម

ភាសាកូរ៉េគឺជាភាសាដែលពិបាករៀនបំផុតមួយសម្រាប់អ្នកនិយាយភាសាអង់គ្លេសពីកំណើត។ បើយោងទៅតាម FSI (Foreign Service Institute) បានឲ្យដឹងថាអ្នកចង់រៀនភាសាត្រូវចំណាយពេលប្រមាណជា ២,២០០ ម៉ោង គឺប្រហែលជា ១៤សប្ដាហ៍ក្នុងការរៀន ភាសាចិន អារ៉ាប់ ជប៉ុននិងកូរ៉េ។ ដោយសារតែអ្នកគាំទ្របានចំណាយពេលជាច្រើនដើម្បីស្វែងរក Lyrics ហើយនៅតែចូលចិត្តនោះគេនឹងពីមូលហេតុ ថាហេតុអ្វីបានជាភាសាគឺពិតជាងាយស្រួលរៀនមែន៕