មួយឈុតទិញពីផ្សារអូឡាំពិកនេះ ធ្វើឲ្យ ពេជ្រ ចរណៃ លេចធ្លោដាច់គេហ្មង!(វីដេអូ)

2017-06-28 02:58:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងសន្និសីទសារព័ត៌មានរឿង "ប្រអប់សំបុត្រចោលទុក្ខ" កាលពីពាក់កណ្ដាលខែ មិថុនានេះ តារាស្រីរូបស្រស់ ពេជ្រ ចរណៃ បានបង្ហាញខ្លួនជាមួយភាពលេចធ្លោលើកម្រាលព្រំក្រហម ជាមួយរ៉ូបដ៏វែងអន្លាយ ដែលនាងអះអាងថាទិញពីផ្សារអូឡាំពិកក្នុងតម្លៃសមរម្យ។

"ចា៎បង រ៉ូបនេះទិញពីផ្សារអូឡាំពិក ដោយតម្លៃថោកមែនទែន គឺត្រឹមតែ៦៥ដុល្លារតែប៉ុណ្ណោះ" តួស្រីរឿង "អាគមស្បែកដាច" ថ្លែង។

នាងបន្តថា ទោះបីជាតារាផ្សេងៗហ៊ានចំណាយដល់ខ្ទង់រយ ឬពាន់ដុល្លារសម្រាប់សម្លៀកបំពាក់មួយឈុតចូលកម្មវិធីមែន តែនាងមិនហក់លោតតាមគេទេ ព្រោះចង់សន្សំសំចៃ ម៉្យាងទៀតសម្លៀកបំពាក់មួយឈុតនាងស្លៀកតែម្ដងប៉ុណ្ណោះ។

"ភាគច្រើនខ្ញុំស្លៀកតែម្ដងៗទេបង ព្រោះបើយើងលេចមុខក្នុងកម្មវិធី រូបភាពយើងនឹងត្រូវបានផ្សព្វផ្សាយទៅតាមវិបសាយ ឬទូរទស្សន៍នានា ហើយឈុតដែលខ្ញុំឈប់ស្លៀកភាគច្រើនខ្ញុំឲ្យទៅប្អូនៗដែលច្រៀងតាមក្លិបកម្សាន្តពេលយប់ ព្រោះដឹងថាគ្នាអត់" ស្រីស្អាតបន្ថែម ៕

ចុចអាន៖

ស្ដាប់ ពេជ្រ ចរណៃ រៀបរាប់បន្ថែប៖

អត្ថបទ៖ សុខណា