មិនធម្មតា! ភាពស្រស់សង្ហារបស់ ខៃ ប្រសិទ្ធ ធ្វើឲ្យ ខឹម ចរិយា ច្របូកច្របល់

2017-06-28 04:08:35
ចំនួនមតិ 0 | ចំនួនចែករំលែក 0

ចន្លោះមិនឃើញ

“ខ្ញុំមិននឹកស្មានថា មានឱកាសបានសម្ដែងជាមួយបងប្រុស ខៃ ប្រសិទ្ធ នោះទេ ព្រោះគាត់បាត់វត្តមានក្នុងសិល្បៈយូរឆ្នាំដែរហើយ។ តែអ្វីដែលនាងខ្ញុំចម្លែកក្នុងចិត្តគាត់នៅតែស្រស់សង្ហារដដែល ធ្វើឲ្យខ្ញុំអៀនអារម្មណ៍រកថាមិនត្រូវពេលថត MV ជាមួយគាត់"។ នេះបើតាម ខឹម ចរិយា ប្រាប់មកកាន់ Sabay ។ ចុចអាន៖សាឡាត់ ស្រីឡាង អស់ជាង១ពាន់ដុល្លារហើយជ្រុះបាត់ជាង៣គីឡូទៀត

ពិធីការិនីរូបនេះបន្តថា ឈុតឆាកដែលធ្វើឲ្យនាងមានអារម្មណ៍ខ្មាសអៀន និងច្របូកច្របល់ខ្លាំងនោះត្រង់ឈុតផ្អែមល្ហែមជាមួយលោក ខៃ ប្រសិទ្ធ តែម្ដង។ ទោះបីជាមានអារម្មណ៍បែបនេះក្ដី ពិធីការិនីរូបនេះសម្ដែងទៅបានយ៉ាងរលូនក្នុង MV “ឪពុកអ្នកក្រ" ព្រោះតែមានការបង្ហាត់បង្ហាញខ្លះៗបន្ថែមទៀតពីរៀមច្បងសិល្បៈជើងចាស់រូបនេះ ខណៈពេលសម្ដែង។

MV បទ"ឪពុកខ្ញុំអ្នកក្រ" នេះដែរ ខឹម ចរិយា សម្ដែងជាតួភរិយារបស់លោក ខៃ ប្រសិទ្ធ ស្រឡាញ់គ្នាល្អូកល្អិនក្នុងគ្រាក្រីក្រ តែក្រោយមកបែកចិត្តស្នេហាប្រែប្រួលទៅរកប្រុសអ្នកមានស្អាតហើយក្មេង ទៅចោល ខៃ ប្រសិទ្ធ និងកូន៕