កាន់តែស្រួល! ចាប់ថ្ងៃទី ១កក្កដានេះទៅ ទិញឡាន ម៉ូតូថ្មី ម្ចាស់ហាងទទួលខុសត្រូវសព្វគ្រប់

2017-06-28 07:28:35
ចំនួនមតិ 0 | ចំនួនចែករំលែក 0

ចន្លោះមិនឃើញ

-ចាប់ពីថ្ងៃទី ០១ កក្កដា នេះទៅម្ចាស់ហាងយានយន្តទាំងអស់ត្រូវផ្ដល់ប័ណ្ណសម្គាល់យានយន្ត ផ្លាកលេខ នៅនឹងកន្លែងជូនពលរដ្ឋ

-ប្រព័ន្ធស្វ័យប្រវត្តិកម្មនេះ គឺដើម្បីជួយសម្រួលដល់ប្រជាពលរដ្ឋមិនឱ្យពិបាកទៀត ហើយជាក្ដីស្រមៃធំមួយរបស់ឯកឧត្ដម ស៊ុន ចាន់ថុល

ចាប់ពីថ្ងៃទី ០១ ខែកក្កដា ឆ្នាំ ២១០៧នេះទៅ គ្រប់ហាងលក់យានយន្តទាំងអស់នឹងចាប់ផ្ដើមអនុវត្តជាផ្លូវនូវប្រព័ន្ធស្វ័យប្រវត្តិកម្ម ដែលបានក្រសួងសាធារណការ និងដឹកជញ្ជូន បានអនុម័តតាំងពីខែមករា ឆ្នាំ ២០១៧មក។ គោលដៅសំខាន់បំផុតនៃប្រព័ន្ធស្វ័យប្រវត្តិកម្មនេះ គឺធ្វើយ៉ាងណាឱ្យសេវាសាធារណៈកាន់ខិតជិតនឹងប្រជាពលរដ្ឋ មិនឱ្យបងប្អូនជួបផលលំបាកពេលទិញយានយន្តថ្មីទៀតនោះទេ។

បើតាមការឱ្យដឹងពីឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណការ និងដឹកជញ្ជូនធ្លាប់បានបញ្ជាក់ហើយថា នៅពេលប្រជាពលរដ្ឋទិញឡានម៉ូតូលុះត្រាតែមានសព្វគ្រប់ ដូចជាផ្លាកលេខ ប័ណ្ណសម្គាល់យានយន្តជាដើម ទើបអាចអូសម៉ូតូចេញពីហាង និងអាចប្រើប្រាស់បានតែម្ដង។ ដូច្នេះចាប់ពីថ្ងៃនេះតទៅនៅពេលទិញឡានម៉ូតូប្រជាពលរដ្ឋ លែងពិបាក លែងព្រួយ ចំពោះការចំណាយក្រៅផ្លូវការផ្សេងៗទៀតនោះទេ ហើយនេះក៏ជាក្ដីស្រមៃធំមួយរបស់ឯកឧត្ដម ស៊ុន ចាន់ថុល នៅពេលលោកកាន់តំណែងជារដ្ឋមន្ត្រីក្រសួងមួយនេះ៕