Adele ប្រឈមនឹងការបាត់សំឡេងដើម

2017-07-03 07:11:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រគំតន្ត្រីរបស់ តារាចម្រៀងម្ចាស់បទ "Hello” ត្រូវសម្រេចលុបចោលភ្លាមៗ បន្ទាប់ពីតារាចម្រៀងរូបនេះ មានបញ្ហាធ្ងន់ធ្ងរទាក់ទងនឹងបំពង់សំឡេង។

តារាចម្រៀងអង់គ្លេស Adele បានប្រគំតន្ត្រីទេសចរណ៍ជុំវិញពិភពលោក តាំងពីឆ្នាំ ២០១៦ ដោយមានរហូតទៅដល់ ១២១ ដងមកហើយ ហើយនៅសល់តែ ២ដងទៀតនឹងបញ្ចប់ជាស្ថាពរ ប៉ុន្តែគួរឲ្យស្ដាយស្រាប់តែមានរឿងបែបនេះកើតឡើង។ កាលពីសប្ដាហ៍ថ្មីៗនេះ នាងបានត្អូញត្អែរពីបញ្ហាបំពង់ករបស់នាង ដល់ថ្នាក់យកទឹកឃ្មុំទៅក្រេបដល់លើឆាកថែមទៀតផង។

ថ្លែងលើគណនី Twitter នាងក៏បានសរសេរសារមួយដ៏វែង ជាការសុំអភ័យទោស ទៅកាន់អ្នកគាំទ្ររបស់ខ្លួនទាំងអស់ ក្នុងការដែលអាក់ខាន និងត្រូវលុបចោលការប្រគំតន្ត្រី។

pic.twitter.com/nMB7xcK7BD
— Adele (@Adele) June 30, 2017

គួររំឭកផងដែរកាលពីឆ្នាំ ២០១១ Adele ក៏បានជួបបញ្ហាប៉ះពាល់សំឡេង រហូតមានឈាមហូរចេញពីបំពង់កទៀត ហើយពេលនោះនាងក៏បានលុបចោលការប្រគំតន្ត្រីទេសចរណ៍ ហើយក៏ត្រូវរៀនច្រៀងស្ទីលបែបថ្មីទៀតដែរ។ ពេលនេះ Adele ត្រូវមកជួបរឿងនេះជាថ្មី ហើយអាចមានកម្រិតធ្ងន់ជាង លើកមុនទៀតក៏ថាបាន៕

ចុចអាន៖

ប្រភព៖ Metro ប្រែសម្រួល៖ យី សុធារី