Adele បង្ហាញខ្លួនមកសួរសុខទុក្ខអ្នករងគ្រោះដោយភ្លើងឆេះ ដោយមិនប្រាប់នរណាសោះ!

2017-06-15 03:26:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តិចជាង២៤ម៉ោងបើគិតពីពេលភ្លើងឆេះអាគារ Grenfell Tower ដែលបានសម្លាប់និងធ្វើឲ្យមនុស្សមានរបួសរាប់រយនាក់ កំពូលតារាចម្រៀង Adele បានបង្ហាញខ្លួនមកសួរសុខទុក្ខនៅល្ងាចថ្ងៃពុធនេះ។

Adele បានមកដល់ទីតាំងភ្លើងឆេះ

Adele បានមកជួបជាមួយនឹងក្រុមគ្រួសារជនរងគ្រោះ និងអ្នកដែលមានរបួស ដោយមកជួបនិយាយព្រមទាំងឱបពួកគាត់ទៀតផងដើម្បីរំលែកទុក្ខ។

ក្នុងនោះមានគណនី Twitter មួយបានបង្ហោះសារថា៖ "Adele បាននៅទីនោះ និងឱបជនរងគ្រោះនៅទីនោះគ្រប់គ្នាដើម្បីជួយរំលែកទុក្ខ"។

ក្រៅពីនោះ ក៏មានអ្នកប្រើប្រាស់បណ្ដាញ Twitter ជាច្រើនបានបង្ហោះសារសរសើរ Adele យ៉ាងច្រើនចំពោះទង្វើដ៏ល្អប្រសើររបស់នាង។

អ្នកលេង Twitter ម្នាក់បានបង្ហោះថា៖ "ការពិតដែល Adele ទៅ Grenfell Tower ដោយមិនប្រាប់នរណាម្នាក់ នេះបញ្ជាក់ថា នាងពិតជាអស្ចារ្យណាស់... Adele គឺជាទេពអប្សរ នាងសមតែទៅនៅស្ថានសួគ៌ នាងពិតជាមានបេះដូងធំធេងមែន ខ្ញុំពិតជាមានមោទនភាពចំពោះនាងណាស់"។

អគារ Grenfell Tower ដែលកំពុងតែឆេះ

នេះគឺដោយសារតែ Adele បានបង្ហាញខ្លួននៅទីនេះ ដោយមិនប្រាប់អ្នកណាសោះ គឺមកដោយសារទឹកចិត្តស្រលាញ់ និងអាណិតរបស់នាង ដោយមិនចង់ឲ្យមានការភ្ញាក់ផ្អើលពីការបង្ហាញខ្លួនរបស់នាង។

ហេតុការណ៍ភ្លើងឆេះនេះ បានសម្លាប់មនុស្ស ១២នាក់ ខណៈដែលមនុស្សរងរបួស គឺរាប់រយនាក់ ក៏ប៉ុន្តែចំនួនមនុស្សដែលអាចស្លាប់នោះ គេប៉ាន់ប្រមាណថាអាចឡើងទៅដល់ជាង ៥០នាក់៕