ជិតដល់ថ្ងៃបង្ហាញខ្លួននៅទូរទស្សន៍ បេក្ខជនកម្មវិធី America's Got Talent ម្នាក់ត្រូវគ្រោះថ្នាក់ស្លាប់...

2017-06-14 04:19:22
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខជនកម្មវិធី American's Got Talent ម្នាក់បានទទួលរងគ្រោះថ្នាក់ចរាចរណ៍ធ្ងន់ធ្ងរដល់ស្លាប់ ខណៈដែលសល់ពេលតិចជាងមួយខែទៀតប៉ុណ្ណោះដើម្បីបង្ហាញខ្លួនក្នុងទូរទស្សន៍ពេលចូលរួមសម្ដែងក្នុងកម្មវិធីនេះ។

បេក្ខជនរូបនេះ គឺវេជ្ជបណ្ឌិតដែលមានឈ្មោះថា Brandon Rogers មានអាយុ ២៩ឆ្នាំ បានស្លាប់ដោយសារតែគ្រោះថ្នាក់ចរាចរណ៍នៅតាមដងផ្លូវ នេះបើតាម TMZ។ ផលិតករកម្មវិធីមិនទាន់សម្រេចចិត្តទេ ថាតើគួរតែចាក់ផ្សាយការសម្ដែងរបស់លោកនៅកម្មវិធីនេះខែក្រោយ ឫអត់។

Brandon ត្រូវបានអ្នកចាត់ចែងកម្មវិធី AGT រកឃើញនៅក្នុង Instagram ដោយសារតែលោកឧស្សាហ៍បង្ហោះវីដេអូច្រៀងចម្រៀងរបស់លោកជាញឹកញាប់នៅលើគណនីរបស់ខ្លួន។

ក្នុងនោះ មានវីដេអូចម្រៀងមួយដែលលោក Brandon បានច្រៀង Cover បទរបស់ក្រុមចម្រៀង Boyz II Man បទ "On Bended Knee” ដែលធ្វើឲ្យក្រុមចម្រៀងនោះ ចាប់អារម្មណ៍ខ្លាំង ហើយប្រកាសសួរអ្នកគាំទ្រថាតើចង់ឲ្យពួកគេនាំ Brandon មកច្រៀងជាមួយគ្នា ឫអត់?

ទីបំផុត Bradon ក៏បានចូលរួមសម្ដែងជាមួយក្រុមចម្រៀងនេះ ដែលធ្វើឲ្យលោកកាន់តែមានអ្នកគាំទ្រកាន់តែច្រើន។ លើសពីនេះទៅទៀត ដុកទ័រម្នាក់នេះ បានច្រៀងបទចម្រៀងរបស់តារាចម្រៀងល្បីៗ ដូចជា Justin Timberlake, Bruno Mars និង Toni Braxton ជាដើម ដែលធ្វើឲ្យលោកទទួលបានអ្នកគាំទ្រ (Followers) ដល់ទៅជាង ៥០,០០០នាក់។