មកស្គាល់លោកតាតារាម៉ូដែលអាយុជិត ១សតវត្សហើយ តែរាងនៅតែអេម!

2017-07-04 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកតាតារាម៉ូដែលមានវ័យចាស់ជាងគេជនជាតិចិនម្នាក់ បានធ្វើឲ្យពិភពលោកចាប់អារម្មណ៍ជាខ្លាំង នៅពេលលោកជាន់ឆាក ឡើងបង្ហាញម៉ូដដ៏ទាក់ទាញនាពេលកន្លងមក។

លោកតា Wang Deshun មានអាយុ ៨១ឆ្នាំ ហើយត្រូវបានចាត់ទុកថាជាបុរសវ័យចាស់ដែលមានរូបរាងអស្ចារ្យជាងគេក្នុងប្រទេសចិន បន្ទាប់ពីលោកដើរបង្ហាញម៉ូដដោយដោះអាវក្នុងកម្មវិធីបង្ហាញម៉ូដមួយកាលពីឆ្នាំ ២០១៥។ ដោយសារសាច់ដុំនៅតែហាប់ណែន ជាមួយពុកមាត់ និងសក់សវែង លោកទទួលបានការចាប់អារម្មណ៍ជាច្រើនជុំវិញពិភពលោក។

ផ្អែកតាមបទសម្ភាសន៍ជាមួយទស្សនាវដ្ដី "GQ Magazine” លោក Wang Deshun បានប្រាប់ថា ខ្លួនចាប់ផ្ដើមហាត់ប្រាណតាំងពីអាយុ ៥០ឆ្នាំមកម្ល៉េះ។ តាំងពីពេលនោះមក លោកតាតែងទម្លាប់ហាត់ប្រាណរៀងរាល់ថ្ងៃ ដើម្បីមានសុខភាពផ្លូវចិត្ត និងផ្លូវកាយមាំមួន ហើយលោកអាចទទួលទានអ្វីក៏បានតាមចិត្តចង់។

ចាត់ទុកថាជា ទម្លាប់ដ៏ល្អសម្រាប់មនុស្សគ្រប់គ្នា មិនថាវ័យក្មេង ឫចាស់ទេ គួរអនុវត្តលំហាត់ប្រាណឲ្យបានទៀងទាត់ បើទោះជាមិនត្រូវការរាងស្អាត ប៉ុន្តែអ្នកនឹងទទួលបានសុខភាពល្អ និងអារម្មណ៍ស្រស់ស្រាយផងដែរ៕

ចុចអាន៖

ប្រភព៖ Koreaboo ប្រែសម្រួល៖ យី សុធារី