សម្បក Galaxy Note 8 បើកទទួលការកុម្ម៉ង់ទិញបាត់

2017-07-05 01:40:29
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy Note 8 មិនទាន់ប្រកាសចេញជាផ្លូវការផង ប៉ុន្តែថ្ងៃនេះក្រុមហ៊ុន MobileFun បានចាប់ផ្ដើមទទួលការកុម្ម៉ង់ទិញសម្បកការពារស្មាតហ្វូននេះបាត់ទៅហើយ។

ដោយសារតែក្រុមហ៊ុនផលិតសម្បកទូរសព្ទភាគច្រើនតែងទទួលបានដំណឹងមុនគេពីរូបរាងស្មាតហ្វូនជំនាន់ថ្មី ដើម្បីផលិតសម្បកការពារទុកជាមុន ហេតុនេះគេអាចជឿជាក់បានថានេះជារូបរាងពិតប្រាកដរបស់ Galaxy Note 8។

តាមរយៈរូបភាពសម្បកការពារនេះដែរបានបញ្ជាក់យ៉ាងច្បាស់ថាទ្រនាប់ស្កេនក្រយៅដៃរបស់ Note 8 ពិតជាមានទីតាំងនៅខាងក្រោយពិតប្រាកដមែន ស្ថិតនៅក្បែរភ្លើង LED និង Sensor វាស់ចង្វាក់បេះដូង។ ចំណែកឯកាមេរ៉ាខាងក្រោយវិញជាប្រព័ន្ធកាមេរ៉ាភ្លោះដែលមើលទៅហាក់មិនលៀនចេញក្រៅខ្លាំងដូចរូបភាពចេញផ្សាយកន្លងមកឡើយ។

បញ្ជាក់ដែរថាសម្បកដែលទទួលការកុម្ម៉ង់ទិញមានច្រើនប្រភេទ និង ច្រើនពណ៌ផ្សេងគ្នា មានតម្លៃចាប់ពី ៦ ដុល្លារ ដល់ ១០០ ដុល្លារឯណោះ៕

ចុចអាន៖

ប្រភព៖ PhoneArena ប្រែសម្រួល៖ សុខហេង