ដំណឹងអាក្រក់គ្រប់គ្នាមិនចង់ឮពី Note 8 បានលេចចេញទៀតហើយ

2017-07-04 02:56:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃចុងក្រោយនេះមានលេចចេញដំណឹងថ្មីៗជាច្រើនទាំងអំពី iPhone 8 និង Galaxy Note 8 ហើយម្សិលមិញនេះក៏មានការបង្ហាញចេញរូបរាងចុងក្រោយមួយរបស់ Galaxy Note 8 ដែលអ្នកគាំទ្រគ្រប់គ្នាមិនប្រាថ្នាចង់ឃើញនោះទេ។

Working hard on the Note 8. pic.twitter.com/L74LqCWkez

— Jonathan Endicott (@headslickwrap) July 3, 2017

ម្សិលមិញលោក Jonathan Endicott នាយកប្រតិបត្តិក្រុមហ៊ុនផលិតគ្រឿងតុបតែងទូរសព្ទ (Accessory) Slickwraps បានបង្ហោះរូបមួយសន្លឹកដោយបញ្ជាក់ថារូបរាង Render ផ្នែកខាងក្រោយរបស់ Galaxy Note 8។ អ្វីដែលថានេះជាដំណឹងអាក្រក់ ព្រោះនៅខាងក្រោយ Galaxy Note 8 នៅតែមានបំពាក់ទ្រនាប់ស្កេនក្រយៅដៃ ដូចមានលើ Galaxy S8 ដែរ។ ចំណុចនេះមានអ្នកគាំទ្រមួយចំនួនមិនពេញចិត្តប៉ុន្មានឡើយ ព្រោះទីតាំងទ្រនាប់ស្កេនលើ S8 ហាក់ដូចមិនចំទីតាំង ធ្វើឲ្យពិបាកស្កេន ថែមទាំងដំណើរមិនរលូនទៀតផង។

រូបភាពដែលចេញផ្សាយកាលចុងខែមិថុនា

រូបភាព Render ខាងលើនេះគឺមានរូបរាងស្ទើរដូចគ្នាទាំងស្រុងទៅនឹងរូបរាងខាងក្រោយរបស់ Galaxy Note 8 ដែលចេញផ្សាយកាលពីចុងខែមិថុនាកន្លងទៅ។ រូបភាពដែលចេញកាលពីចុងខែគឺ Render ចេញមកដោយផ្អែកតាមដ្យាក្រាមរោងចក្រផលិត ចំណែកឯរូប Render របស់លោក Jonathan ខាងលើក៏ផ្អែកតាមដ្យាក្រាមដូចគ្នា។

ទោះយ៉ាងណារូបរាង Render ខាងលើក៏នៅមិនអាចទទួលស្គាល់ជាផ្លូវការថាជា Galaxy Note 8 ពិតប្រាកដដែរ មានតែរង់ចាំការប្រកាសចេញពីសំណាក់ក្រុមហ៊ុន Samsung ផ្ទាល់ប៉ុណ្ណោះ ហើយការប្រកាសចេញរំពឹងនឹងធ្វើឡើងនាចុងខែសីហាខាងមុខ៕

ចុចអាន៖

ប្រភព៖ Bgr ប្រែសម្រួល៖ សុខហេង