បើមិនពេញចិត្ត ៣ ចំណុចនេះកុំរង់ចាំទិញ iPhone 8 អី!

2017-07-02 04:24:00
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone 8 ត្រូវបានគេរំពឹងទុកនឹងបង្ហាញខ្លួនជាផ្លូវការនាខែកញ្ញា ២០១៧ ខណៈស្របគ្នានោះមានរបាយការណ៍នៃពាក្យចចាមអារ៉ាមជាច្រើនអំពីវា។ មាន ៣ ចំណុចធំៗ ជាតម្រុយច្បាស់បំផុត ហើយបើអ្នកគិតថាអ្នកមិនអាចទទួលយកបានទេ ដូច្នេះសូមកុំរង់ចាំទិញ iPhone 8 អី។

១. កុំរង់ចាំបើអ្នកចង់ប្រើស្មាតហ្វូនអេក្រង់តូចល្មម:

អ្នកវិភាគជាច្រើន បានប៉ាន់ប្រមាណស្រដៀងៗគ្នា iPhone 8 នឹងមានអេក្រង់កោងប្រភេទផ្ទៃពេញ ទំហំ ៥,៨ អ៊ីញ ដែលទំហំនេះធំជាង iPhone 7 Plus ថែមទៀតផង។ បច្ចុប្បន្ន iPhone 7/7 Plus មានអេក្រង់ ៤,៧ អ៊ីញ និង ៥,៥ អ៊ីញ។ និយាយរួមបើអ្នកស្រលាញ់ត្រឹមអេក្រង់ ៤,៧ អ៊ីញ អ្នកក៏គួរជ្រើសរើសយក iPhone 7 ឫបង្វែរអារម្មណ៍ជាមួយស្មាតហ្វូន Android ដទៃៗទៀតដែលមានអេក្រង់ប្រហែលនោះ។

២. កុំរង់ចាំបើអ្នកមិនពេញចិត្តនឹងតម្លៃ:

តម្លៃថោកបំផុតរបស់ iPhone 7 គឺផ្ដើមពី ៦៤៩ ដុល្លារ និង iPhone 7 Plus ថ្លៃ ៧៦៩ ដុល្លារ។ ពាក្យចចាមអារ៉ាមជាច្រើនបានសង្កត់ធ្ងន់លើការបំពាក់អេក្រង់ OLED របស់ iPhone 8 ហើយមានការវិវត្តបន្ថែមនូវអង្គគណនាម៉ាស៊ីនមួយកម្រិតទៀត និងមុខងារសាកថ្មឥតខ្សែ (Wireless Charging)។

ក្រោយការស្មានទុកជាមុននៃតម្លៃគ្រឿងខាងលើ អ្នកវិភាគហ៊ានសន្មតថា iPhone 8 នឹងមានតម្លៃដល់ខ្ទង់ ១ ពាន់ដុល្លារ។ បើគិតថាអ្នកមិនចង់ចំណាយច្រើនលើការទិញស្មាតហ្វូន ឫចង់សន្សំលុយទិញរបស់ប្រើប្រាស់ផ្សេង អ្នកក៏គួរឈប់គិតពីវាទៀតទៅ។

៣. កុំរង់ចាំបើអ្នកមិនពេញចិត្ត iOS 11:

បច្ចុប្បន្ន Apple បានដាក់ឲ្យប្រើប្រាស់បណ្តើរៗនូវកំណែសាកល្បង iOS 11 ជំនាន់ Beta ម្ល៉ោះហើយអ្នកដែលចង់ទិញ iPhone 8 អ្នកអាចមើលបាន ថាតើប្រព័ន្ធ iOS 11 មានលក្ខណៈពិសេសដូចដែលអ្នកចង់បានហើយឫនៅ ព្រោះជំនាន់នេះវានឹងមានលើ iPhone 8 ចេញពីប្រអប់ស្រាប់។ មនុស្សមួយភាគតូចក៏ធ្លាប់មានគំនិតគិតថា iOS ថ្មី ពិបាកប្រើ មានកម្មវិធីច្រើន ហើយបែរជាចូលចិត្ត iOS ចាស់ទៅវិញ។ បើអ្នកជាមនុស្សប្រភេទនេះ សូមកុំយកពេលវេលារង់ចាំ iPhone ជំនាន់ក្រោយ។

សរុបរួមពួកយើងមិនមានន័យថាប្រិយមិត្តទាំងអស់មិនគួរទិញ iPhone ជំនាន់ក្រោយទេ ផ្ទុយទៅវិញនេះគ្រាន់ជាការផ្ដល់យោបល់ខ្លះៗ ជៀសវាងអ្នកប្រើមួយចំនួន ដែលនឹងទិញ iPhone មានតម្លៃថ្លៃហើយ បែរជាមិនត្រូវចិត្តថែមទៀត៕

ចុចអានបន្ត ៖

ប្រភព៖ GottabeMobile អត្ថបទ ៖ កៅ រក្សា