ដឹងពីទ្រព្យសម្បត្តិគូស្នេហ៍ Song Joong Ki និង Song Hye Kyo ទើបភ្ញាក់

2017-07-05 05:35:43
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍មួយគូនេះមិនត្រឹមតែមានទេពកោសល្យនិងមានសម្រស់ស្រស់ស្អាតប៉ុណ្ណោះទេ អ្នកទាំងពីរសុទ្ធតែមានទ្រព្យសម្បត្តិមហាសាលមិនចាញ់គ្នាប៉ុន្មានទេ។

ថ្មីៗនេះព័ត៌មានដែលថាអ្នកទាំងពីរនឹងចូលរោងការនៅខែតុលាទើបតែលេចឡើង ដែលធ្វើឲ្យមានការភ្ញាក់ផ្អើលជាខ្លាំង។ ទាំង Song Hye Kyo និង Song Joong Ki គឺសុទ្ធតែជាកំពូលតារាសម្ដែងប្រចាំប្រទេសកូរ៉េ និងមានទ្រព្យសម្បត្តិច្រើនដែលធ្វើឲ្យអ្នកទាំងពីរក្លាយជាគូស្នេហ៍ ដែលសមស្របទាំងរូបសម្រស់និងទ្រព្យសម្បត្តិ។

តើទ្រព្យសម្បត្តិរបស់អ្នកទាំងពីរមានអ្វីខ្លះ?

Song Hye Kyo

នៅឆ្នាំ ២០១៣ Song Hye Kyo ទទួលបានប្រាក់ ៩៦០លានវុនសម្រាប់ថ្លៃថតរឿងចំនួន ១៦ ភាគ។ នៅឆ្នាំ ២០១៥ នាងបានទទួលបានប្រាក់ខ្ទង់ ៥០០ទៅ៦០០លានវុន សម្រាប់ថ្លៃឈ្នួលផ្សព្វផ្សាយពាណិជ្ជកម្មផ្សេងៗ។

នៅចុងឆ្នាំ ២០១៥ Song Hye Kyo មិនសូវសកម្មនៅប្រទេសកូរ៉េប៉ុន្មានទេ ប៉ុន្តែរវល់ខ្លាំងនៅប្រទេសចិនវិញ។ តារារយៈការផ្សព្វផ្សាយផលិតផល នាងអាចរកប្រាក់ចំណូលបានយ៉ាងច្រើននៅប្រទេសចិន ក្នុងនោះនាងធ្លាប់ត្រូវគេរិះគន់ទៀតផងចំពោះបញ្ហាគេចពន្ធផ្សេងៗដែលទាក់ទង។ ចំនួនទឹកប្រាក់ដែលតារារូបនេះរកបានគឺមិនមែនត្រឹមតែតាមរយៈការថតនិងផ្សព្វផ្សាយប៉ុណ្ណោះទេ ប៉ុន្តែនាងក៏បានវិនិយោគទៀតផង។ នាងត្រូវបានគេដាក់ឈ្មោះថា "ម្ចាស់ក្សត្រីអចលនទ្រព្យ" ដោយសារតែជំនួញវិស័យនេះជាច្រើនដែលនាងបានកាន់។ អ្នកជំនាញផ្នែកអចលនទ្រព្យម្នាក់បានសរសើរ Song Hye Kyo ថាជាមនុស្សម្នាក់ដែលគិតរហ័សនៅក្នុងការវិនិយោគផ្ទះ។ តារាស្រីរូបនេះតែងតែដាក់គោលដៅចំពោះវិឡាដែលនៅកែងផ្លូវ ដែលអាចមានតម្លៃថ្លៃរហូតដល់ទៅ ១ប៊ីលានវុនឯណោះជាមធ្យម។

វិឡានៅប្រទេសកូរ៉េរបស់ Song Hye Kyo

អាផាតមិនរបស់ Song Hye Kyo ដែលមានទីតាំងនៅទីក្រុង New York សហរដ្ឋអាមេរិក

មិនត្រឹមតែប៉ុណ្ណោះថ្មីៗនេះ Song Hye Kyo បានចូលរួមផ្សព្វផ្សាយផលិតផលរបស់ក្រុមហ៊ុនអលង្ការ និងក្រុមហ៊ុនផ្សេងៗទៀតជាច្រើនដែលសុទ្ធតែមានតម្លៃខ្ទង់លានដុល្លារ។ បើប្រៀបធៀបតម្លៃខ្លួនរបស់នាងពេលនេះជាមួយនឹងឆ្នាំ២០១៥ តម្លៃខ្លួននាងគឺកើនឡើងដល់ទៅជាង១០ដងឯណោះ។

Song Joong Ki

ដោយសារតែភាពល្បីល្បាញបន្ទាប់ពីចូលរួមសម្ដែងក្នុងរឿង "Descendant of the Sun” តារាសម្ដែងរូបនេះត្រូវបានគេចាត់ចូលជាតារាសម្ដែងលំដាប់កំពូល (A-List) ប្រចាំប្រទេសកូរ៉េដែលមានសមត្ថភាពអាចរកចំណូលបានយ៉ាងសន្ធឹកសន្ធាប់។

បន្ទាប់ពីថតរឿងភាគខ្លះៗដូចជា "Sungkyunkwan's Love Story”, “Nice Guy” លោក Song Joong Ki មិនទាន់អាចទៅដល់កម្រិតរបស់តារាសម្ដែង Hyun Bin, Won Bin, និង Bae Yong Joon នៅឡើយទេ ប៉ុន្តែនៅចុងឆ្នាំ ២០១៤ តារារូបនេះអាចចំណូលបានដល់ទៅ ៥០០លានវុន ដែលនេះគឺជាកម្រិតខ្ពស់រួចទៅហើយ។

បន្ទាប់ពីបានត្រូវគេចាប់អារម្មណ៍ច្រើន Song Joong Ki ត្រូវបានក្រុមហ៊ុនផលិតផលជាច្រើនទាក់ទងឲ្យផ្សាយពាណិជ្ជកម្មដូចជាក្រុមហ៊ុនសំលៀកបំពាក់កីឡា ទូរស័ព្ទ គ្រឿងសំអាងជាដើមដែលអាចឲ្យរកប្រាក់ចំណូលបានខ្ទង់ ៥០ម៉ឺនដុល្លារសម្រាប់កុងត្រាផ្សព្វផ្សាយនីមួយ។ បន្ទាប់ពីតារារូបនេះល្បីឈ្មោះខ្លាំងតាមរយៈរឿង "Descendant of the Sun” តម្លៃខ្លួនរបស់លោកគឺកើនឡើង៣ទៅ៤ដងឯណោះ។

មិនត្រឹមតែប៉ុណ្ណោះ Song Joong Ki ត្រូវបានក្រុមហ៊ុនល្បីៗជាច្រើននៅប្រទេសចិននិងប្រទេសជប៉ុនឲ្យផ្សព្វផ្សាយផលិតផលមិនឈប់ឈរដែលជាហេតុធ្វើឲ្យថ្លៃខ្លួនលោកថ្លៃជាងតារាល្បីៗដូចជា Kim Soo Hyun និង Lee Min Hoទៀតផង ដែលធ្វើឲ្យ Song Joong Ki ក្លាយជាតារាកូរ៉េដែលមានតម្លៃខ្លួនថ្លៃជាងគេបំផុតទូទាំងពិភពលោក។

គិតត្រឹមពេលដែលលោកបញ្ចប់ថតរឿង "Descendant of the Sun” ថ្លៃខ្លួនរបស់លោកកើនឡើងដល់ទៅជិត១០ដងបើប្រៀបធៀបទៅនឹងឆ្នាំ ២០១៤។ ហេតុដូច្នេះហើយមិនខុសពី Song Hye Kyo លោកចាប់ផ្ដើមប្រឡូកចូលក្នុងវិស័យអចលនទ្រព្យ ដោយទិញបានផ្ទះយ៉ាងច្រើនជាបន្តបន្ទាប់ ហើយថ្មីនេះលោកទើបតែទិញបានផ្ទះលំដាប់កំពូលនៅទីក្រុង Seoul មានតម្លៃដល់ទៅ ២.៥កោដ្ឋវុន៕