សម្រាប់​អ្នក​ថត​រូប​កម្រិត​ដំបូង​ ​គួរ​ស្វែង​យល់​ឲ្យ​ច្បាស់​ថា​ ​តើ​ពេល​ណា​គួរ​ប្រើប្រាស់​ ​Manual focus និង​ពេល​ណា​គួរ​ប្រើ​ ​Auto focus​ ​ព្រោះ​ពួកវា​ដំណើរការ​ ​និង​មាន​ផល​ប្រយោជន៍​ផ្សេងៗ​គ្នា។

១. Shutter Lag

សំដៅ​លើ​រយៈពេល​ពេល​ដែល​ចុច​ប៊ូតុង​ថត​ ​(Shutter)​ ​ហើយ​ពេល​ប្រើ​ ​Auto focus mode​ ​គឺ​អាច​ពន្យារ​ពេល​ចាប់​រូបភាព​ ​ដែល​កាមេរ៉ា​នឹង​ចាប់​យក​រូបភាព​នានា​ទាល់​តែ​ច្បាស់​ទើប​ថត​ ​ឬ​ចុច​ថើៗ​លើ​ប៊ូតុង​ថត​ដើម្បី​ឲ្យ​កាមេរ៉ា​ចាប់​រូប​បណ្ដោះ​អាសន្ន​រួច​សង្កត់​ប៊ូតុង​ម្ដង​ទៀត​ឲ្យ​ជ្រៅ​ដើម្បី​ថត​តែ​ម្ដង។

២. Focus Modes

ជា​ទម្រង់​បង្ហាញ​ព័ត៌មាន​នៃ​ការ​ ​Focus​ ​របស់​កាមេរ៉ា​ ​ហើយ​ដើម្បី​ដឹង​ថា​ ​Focus mode​ ​ប្រភេទ​ណា​ ​គឺ​​អាច​ចុច​ប៊ូតុង​ ​Info​ ​លើ​កាមេរ៉ា​ ​DSLR​ ​ហើយ​វា​នឹង​បង្ហាញ​ព័ត៌មាន​ដូចជា​ ​icon, initial “AF" ឬ“MF”។

៣. Manual Focus

ជា​ការ​កំណត់​ឲ្យ​ ​Lens​ ​និង​កាមេរ៉ា​ចាប់​រូបភាព​ច្បាស់​កម្រិត​ណា​មួយ​ដែល​អ្នក​ចង់​បាន​ ​ដោយ​ប្រើ​ដៃ​បង្វិល​ត្រង់​កង​ ​Focusing Ring។ Manual Focus​ ​និយម​ប្រើប្រាស់​សម្រាប់​ការ​ថត​វីដេអូ​ ​ហើយ​ប្រសិន​ថត​រូប​ក៏​តម្រូវ​ឲ្យ​អ្នក​ប្រើប្រាស់​មាន​បទពិសោធន៍​ខ្ពស់។

៤. Auto Focus

ជា​ការ​កំណត់​ឲ្យ​ ​Lens​ ​និង​កាមេរ៉ា​ចាប់​រូបភាព​ច្បាស់​កម្រិត​ណា​ ​ដោយ​ស្វ័យប្រវត្តិ​ ​តែ​ពិបាក​ដំណើរការ​ពេល​ថត​វត្ថុ​ដែល​ផ្ទៃ​មុខ​ ​ក្រោយ​មាន​ពណ៌​ស្រដៀង​គ្នា​ ​ហើយ​ ​Auto focus mode​ ​មាន​បែង​ចែក​ជា​ ​AF-S, AF-C​ ​និង AF-A។

• AF-S​ ​(Single-servo)​ ​ប្រើ​សម្រាប់​ថត​វត្ថុ​ដែល​ស្ងៀម។
• AF-C​ ​(Continuous-servo)​ ​ប្រើ​សម្រាប់​ថត​វត្ថុ​ដែល​មាន​ចលនា។
• AF-A​ ​(Auto-servo)​ ​កាមេរ៉ា​ ​នឹង​ជ្រើសរើស​ប្រើ​​រវាង​ ​​AF-S​ ​ឬ​ ​AF-C​ ​ដោយ​ស្វ័យប្រវត្តិ។

ចុចអានបន្ត ៖

• តិចនិក​សម្អាត​ ​Lens​ ​កាមេរ៉ា​ ​គ្រប់​គ្នា​គួរ​​តែ​ដឹង
• 4K,HDR និង 3D Touch តិច​ថា​មិន​ស្គាល់

ប្រភព៖ lifewire   ប្រែសម្រួល ​៖ ប៊ុន ធឿន