ឮថា iPhone 8 គ្មានភ្ជាប់ឧបករណ៍សាកឥតខ្សែ Free ពីប្រអប់ទេ

2017-07-11 01:21:52
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមការចុះផ្សាយចេញពីសារព័ត៌មាន Daring Fireball បានបង្ហើបថា ឧបករណ៍សាកឥតខ្សែរបស់ iPhone ជំនាន់ក្រោយ នឹងដាក់លក់ដាច់ដោយឡែកពីគ្នា មិនមានស្រាប់នៅក្នុងប្រអប់នោះទេ។ ទៀតសោតអាចពន្យារពេលចេញលក់ក្រោយការបង្ហាញ iPhone 8 ប្រហែល ៣ សប្ដាហ៍ទៀតផង។

ម្ចាស់គេហទំព័រលោក John Gruber លើកឡើងថា វាទំនងជារង់ចាំដល់ iOS 11.1 ចេញឱ្យប្រើប្រាស់ ដូចរឿងរ៉ាវកាល iPhone 7 Plus បំពាក់កាមេរ៉ាភ្លោះ អាចថតមុខងារ Portrait Mode បាន ទាល់តែចេញ iOS 10.1 សិន។ ប៉ុន្តែលោកមិនហ៊ានសន្មតថា ការពន្យារពេលនោះ មកពីការផ្លាស់ប្ដូរផ្នែក Software ឫ Hardware ឡើយ។

មិនខុសពីការទស្សន៍ទាយរបស់លោក Ming-Chi Kuo នៃក្រុមហ៊ុន KGI Securities ក៏បានថ្លែងស្រដៀងគ្នា Apple នឹងបង្កើតជម្រើសឱ្យអ្នកប្រើប្រាស់ទិញឧបករណ៍សាកឥតខ្សែពីខាងក្រៅ។ បញ្ជាក់ថាកាលពីខែកុម្ភៈកន្លងទៅ Apple បានចាប់ដៃជាមួយក្រុមហ៊ុន Wireless Power Consortium ក្នុងគោលដៅសិក្សាអំពីបច្ចេកវិទ្យាសាកថ្មឥតខ្សែ។

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេច ចុច Like Page Sabay News Technology.........

បន្តចុចអាន៖

ប្រភព៖ iclarified ប្រែសម្រួល៖ កៅ រក្សា