NOCC ប្រជុំគ្រប់សហព័ន្ធប្រាប់ផែនការចេញទៅស៊ីហ្គេម ២០១៧

2017-07-15 03:12:33
ចំនួនមតិ 0 | ចំនួនចែករំលែក 0

ចន្លោះមិនឃើញ

គណៈកម្មាធិការជាតិអូឡាំពិកកម្ពុជា(NOCC)បើកកិច្ចប្រជុំជាមួយបណ្ដាសហព័ន្ធនានាដែលនឹងចេញទៅចូលរួមប្រកួតស៊ីហ្គេមនៅប្រទេស ម៉ាឡេស៊ី ឆ្នាំ២០១៧ នេះដើម្បីប្រាប់ពីផែនការសំខាន់ៗមួយចំនួន ជាការត្រៀមទុកមុនចេញដំណើរ។

ឯកឧត្ដម វ៉ាត់ ចំរើន

ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា ចំពោះប្រភេទកីឡាមួយចំនួនដែលត្រូវចេញដំណើរទៅមុនតាមកម្មវិធីប្រកួតរបស់ស៊ីហ្គេម ត្រូវរៀបចំឲ្យបានរួចរាល់ជាស្រេច។ មិនថាសម្ភារ សំលៀកបំពាក់ ឬលក្ខណៈរាងកាយ(សក់ ក្រចក និងពុកមាត់)នោះទេ គឺត្រឹមត្រូវនិងសមរម្យជាកីឡាករ កីឡាការិនី ហើយវាមិនខុសច្បាប់ការប្រកួតទីនោះ។

ឯកឧត្ដម បន្តថា ចំពោះសហព័ន្ធនីមួយៗត្រូវពិនិត្យលិខិតឆ្លងដែនរបស់កីឡាករ ឲ្យបានច្បាស់លាស់ថាត្រឹមត្រូវនិងមិនមានបញ្ហាអ្វីទេនៅពេលចេញដំណើរ។ បើនិយាយពីសុខភាពវិញក៏ដូច្នេះដែរ ត្រូវពិនិត្យនិងប្រុងប្រយ័ត្នឲ្យបានមែនទែន ថាពួកគេមានសុខភាពល្អត្រឹមត្រូវអាចចូលរួមប្រកួតបាន អ្វីដែលត្រូវប្រយ័ត្នបំផុតមួួយទៀតនោះគឺសារធាតុហាមឃាត់នៅពេលប្រកួតតែម្ដង ប្រសិនបើមានគឺវាប៉ះពាល់ខ្លាំងណាស់ចំពោះមុខមាត់ប្រទេសជាតិ ហើយនឹងត្រូវផាកពិន័យថែមទៀតផង។ នៅពេលដែលទៅដល់កន្លែងស្នាក់នៅ គ្រូៗនិងសហព័ន្ធត្រូវពិនិត្យឲ្យបានត្រឹមត្រូវទាំងកន្លែងសម្រាកនិងកន្លែងហ្វឹកហាត់ដើម្បីសម្រួលដល់កីឡាកររបស់ខ្លួន។

ស៊ីហ្គេម លើកទី២៩ ឆ្នាំ២០១៧ នៅប្រទេស ម៉ាឡេស៊ី នេះ កម្ពុជាបញ្ជូន ២៤ប្រភេទកីឡាចូលរួមប្រជែងយកមេដាយ ហើយកីឡាករ កីឡាការិនីទាំងអស់នឹងត្រូវទៅមុនការប្រកួតចំនួន ២ថ្ងៃ និងវិលត្រលប់មកវិញ១ថ្ងៃបន្ទាប់ពីប្រកួតចប់៕

ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង

អត្ថបទ៖ នួន ស៊ីណា