ភ្ញៀវទេសចរប្រទេសណា ទៅលេងនៅម៉ាឡេស៊ី ច្រើនជាងគេបំផុត?

2017-07-11 07:47:45
ចំនួនមតិ 0 | ចំនួនចែករំលែក 0

ចន្លោះមិនឃើញ

បើនិយាយពីប្រទេសម៉ាឡេស៊ី មនុស្សភាគច្រើនប្រាកដជានឹកស្រមៃដល់អគារភ្លោះ Petronas Twin Tower នៅក្រុងកូឡាឡាំពួរ មុនគេជាមិនខាន ព្រោះវាជាកន្លែងទេសចរណ៍ដ៏ពេញនិយម និងជានិមិត្តរូបរបស់ប្រទេសនេះ។

ម៉ាឡេស៊ី ត្រូវបានគេចាត់ទុកជាប្រទេសជឿនលឿន និងស៊ីវិល័យមួយនៅតំបន់អាស៊ាន ដែលមានវិស័យទេសចរណ៍ដ៏រឹងមាំ និងកើបចំណូលបានយ៉ាងច្រើនសម្រាប់ទ្រទ្រង់សេដ្ឋកិច្ចជាតិ។ អ្នកទេសចរអាចទៅទស្សនាសំណង់អគារប្លែកៗ ឆ្នេរសមុទ្រ និងតំបន់ប្រវត្តិសាស្ត្រជាច្រើនទៀត។

ភ្ញៀវទេសចរដែលទៅទស្សនាម៉ាឡេស៊ីច្រើនជាងគេបំផុត គឺមកពីប្រទេសសិង្ហបុរី (១៣ លាននាក់) បន្ទាប់មកឥណ្ឌូណេស៊ី (៣ លាននាក់) និងចិន (២ លាននាក់) ក្នុងឆ្នាំ ២០១៦។ ម៉ាឡេស៊ីទទួលបានភ្ញៀវទេសចរពីប្រទេសអាស៊ានសរុបបានចំនួន ២០,៣លាននាក់ គឺស្មើនឹង ៧៥,៨% នៃការមកដល់របស់ភ្ញៀវទេសចរទាំងអស់ជុំវិញពិភពលោក បើធៀបនឹងឆ្នាំ ២០១៥ គឺមានកំណើនទេសចរ ៤%។

ក្នុងត្រីមាសទី ១ ឆ្នាំ ២០១៧ ម៉ាឡេស៊ីទទួលបានភ្ញៀវទេសចរចំនួន ៥,០៣លាននាក់ពីប្រទេសនៅអាស៊ាន គឺកើនឡើង ២,៤% ធៀបនឹងរយៈពេលដូចគ្នាឆ្នាំ ២០១៦។ ម៉ាឡេស៊ី មានគម្រោងទាញយកភ្ញៀវទេសចរពីប្រទេសអាស៊ានឲ្យបាន ២៣,១លាននាក់ ក្នុងឆ្នាំ ២០១៧។ នេះបើតាមក្រុមការងារ Sabay ចូលរួមក្នុងកិច្ចប្រជុំ Asean Media Bloggers Tourism Hunt 2017 ប្រារព្ធធ្វើនៅទីក្រុងកូឡាឡាំពួរថ្ងៃនេះ៕