The Rock ឈរឈ្មោះជាប្រធានាធិបតីផ្លូវការ?

2017-07-12 03:24:51
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអាទិត្យមុននេះមានបុរសម្នាក់បានបញ្ជូនឯកសារមួយទៅកាន់គណៈកម្មាធិការបោះឆ្នោតសហព័ន្ធ (Federal Election Commission) ដើម្បីគាំទ្រឲ្យតារាសម្ដែង និងអតីតកីឡាករ WWE លោក Dwayne “The Rock” Johnson ឈរឈ្មោះជាបេក្ខជនប្រធានាធិបតី។

Dwayne "The Rock" Johnson

បើយោងទៅតាមសារព័ត៌មាន The Hill បុរសដែលបានបញ្ជូនឯកសារម្នាក់នោះមានឈ្មោះថា Kenton Tiford ដែលបានរៀបចំបទឃោសនាមួយឈ្មោះថា "Run the Rock 2020” នៅរដ្ឋ West Virginia ដើម្បីគាំទ្រឲ្យ The Rock ឈរឈ្មោះជាប្រធានាធិបតី។ សារព័ត៌មាននេះបន្តទៀតថាទំនាក់ទំនងរបស់លោក Tiford និង The Rock រួមទាំងមូលហេតុដែលជំរុញឲ្យលោក Tiford ធ្វើរឿងនេះ គឺមិនទាន់ច្បាស់នៅឡើយ។

ក្នុងកិច្ចសម្ភាសន៍មួយជាមួយទស្សនាវដ្ដី GQ កាលពីខែឧសភា The Rock បាននិយាយថាគោលបំណងរបស់លោកដើម្បីចូលបម្រើក្នុងសេតវិមានគឺអាចក្លាយជាការពិតមួយ បន្ទាប់ពីលោកលើកឡើងពីអត្ថបទមួយរបស់កាសែត Washinton Post ដែលនិយាយគាំទ្រលោក អំពីមូលហេតុដែលធ្វើឲ្យ The Rock អាចមានឱកាសឈ្នះជាបេក្ខជនប្រធានាធិបតី។

ក្នុងកិច្ចសម្ភាសន៍ដដែលនោះ The Rock បាននិយាយថា៖ "តាំងតែ១ឆ្នាំមុន វាតែងតែធ្វើឲ្យខ្ញុំគិតពីវារហូត។ វាគឺជាការរឿងដ៏សំខាន់មួយដែលធ្វើឲ្យខ្ញុំត្រលប់ទៅផ្ទះហើយគិតពីវាថា ខ្ញុំគួរតែឆ្លើយថា គួរតែធ្វើរឿងនេះ ឬមិនគួរធ្វើ ដោយប្រកបទៅដោយការពិត និងការគោរព"។ មិនត្រឹមតែប៉ុណ្ណោះ The Rock ព្រមទាំងនិយាយបែបនេះថា៖ "ប្រសិនជាខ្ញុំជាប់ យើងនឹងមានថ្ងៃសម្រាកចុងសប្ដាហ៍៣ថ្ងៃ និងគ្មានពន្ធ"។

គូសបញ្ជាក់ដែរថា The Rock បានលើកឡើងពីបញ្ហានេះផងដែរពេលលោកចូលរួមកម្មវិធី Saturday Night Life វគ្គចុងក្រោយសម្រាប់រដូវកាលទី៤២ ដោយបាននិយាយបែបកំប្លែងថានឹងឈរឈ្មោះជាបេក្ខជនប្រធានាធិបតីជាមួយតារាសម្ដែងល្បីលោក Tom Hank។

បើគិតត្រឹមពេលនេះបេក្ខជនដាក់ឈ្មោះសម្រាប់ឈរឈ្មោះជាប្រធានាធិបតីអាមេរិក គឺមាន១២៩រូបរួចទៅហើយ៕