អីយ៉ា! កំពូលតារាចម្រៀងរ៉េប Eminem ជិតចេញអាល់ប៊ុមថ្មីហើយ!

2017-07-12 00:02:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់តាំងពីពេលដែលតារាចម្រៀងរ៉េប Eminem បញ្ចេញអាល់ប៊ុមចុងក្រោយរបស់ខ្លួនចំណងជើងថា "Marshall Mathers LP 2” តាំងពីឆ្នាំ២០១៣ រហូតដល់ពេលនេះគឺ៤ឆ្នាំហើយ។ ថ្មីៗនេះមានព័ត៌មានទាក់ទងនឹងការត្រលប់មកវិញរបស់ Eminem បើយោងតាមពាក្យពេចន៍របស់ផលិតករនិងអ្នកដឹកនាំរឿងលោក Allen Hughes។

នៅក្នុងកិច្ចសម្ភាសន៍មួយរបស់សារព័ត៌មាន Uproxx កាលពីថ្ងៃសុក្រសប្ដាហ៍មុន អ្នកដឹកនាំកម្មវិធី "Defiant Ones” លោក Allen បានបង្ហើបចម្លើយខ្លះៗពាក់ព័ន្ធនឹងបញ្ហានេះ។

អ្នកដឹងនាំរូបនេះបាននិយាយដូច្នេះថា៖ "លោក Dre នៅតែបន្តថតបទចម្រៀង។ ហើយមនុស្សជាច្រើនមិនបានដឹងទេថា លោក Dre ថតចម្រៀងជារៀងរាល់ថ្ងៃ។ ជាការពិតណាស់លោកបានស្នាក់នៅបន្ទប់ថតបទចម្រៀងជារៀងរាល់ថ្ងៃ។ លោកគឺដូចជាវិចិត្រករ Picasso អីចឹងគឺចូលចិត្តគូរូប។ ពេលនេះលោកកំពុងតែផលិតបទចម្រៀងមួយបទចំណងជើងថា "in the 11th Hour” ជាចំណងជើងបទចម្រៀងសម្រាប់អាល់ប៊ុមថ្មីរបស់ Eminem”។

មិនត្រឹមតែប៉ុណ្ណោះតារាចម្រៀងរ៉េប 2 Chainz ក៏បានបង្ហើបដែរថាពួកគេទាំងពីរបានថតបទចម្រៀងមួយបទជាមួយគ្នាតាមរយៈការសម្ភាសមួយក្នុងកម្មវិធី "Shade 45's Streetz Iz Watching”។

គូសបញ្ជាក់ថាអាល់ប៊ុមនេះនឹងជាអាល់ប៊ុមថ្មីតាំងពីឆ្នាំ ២០១៣ នឹងក្លាយជាអាល់ប៊ុមខ្នាតធំទី៩ របស់កំពូលតារាចម្រៀង Eminemផងដែរ៕