ទស្សនាវីដេអូ McGregor និង Floyd ឈរបោះពាក្យឲ្យគ្នា ធានាថាឌឺ

2017-07-12 02:54:27
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅមជ្ឈមណ្ឌល LA's Staples Center ក្នុងទីក្រុង Los Angeles រដ្ឋ California សហរដ្ឋអាមេរិកមនុស្សជាង១ម៉ឺននាក់ បានអង្គុយរងចាំទស្សនាការជួបគ្នាជាលើកដំបូងរបស់កំពូលអ្នកប្រដាល់ក្នុងទ្រុង Conor McGregor និងអ្នកប្រដាល់អាមេរិក Floyd Mayweather ក្នុងថ្ងៃផ្សព្វផ្សាយការប្រកួត។

ការរងចាំពិតជាមិនធ្វើឲ្យអ្នកទស្សនាខកចិត្តមែន អ្នកប្រដាល់ទាំងពីរបានបង្ហាញធ្មុងដាក់គ្នាតាមរយៈការមើលមុខ និងបោះពាក្យសម្ដីលែបខាយ ធ្វើឲ្យម្ខាងៗទប់ចិត្តមិនចង់បាន។ យ៉ាងណាមិញ ក្រៅពីកីឡាករទាំងពីរឌឺដងគ្នា ក្នុងសន្និសីទកាសែតMcGregor ក៏បានប៉ះពាក្យសម្ដីជាមួយឪពុក Floyd លោក Mayweather Sr។

ក្នុងសន្និសីទកាសែតMcGregor បានឃើញ Mayweather Sr ដើរចូលហើយគេបាននិយាយថា៖ "តាកញ្ចាស់ដើរមកហើយ តែខ្ញុំអត់ស្គាល់គេជានរណាទេ ខ្ញុំដូចជាច្រឡំយ៉ាងម៉េចទេ"។ ភ្លាមៗ Mayweather Sr បានរំខានសន្និសីទកាសែតនិងតបវិញថា៖ "និយាយថាម៉េចអាកូនប្រុស? ប្រយ័ត្នខ្ញុំនឹងធាត់គូថឯង"។ McGregor និង Floyd នឹងប្រកួតគ្នានៅថ្ងៃទី ២៦ ខែ សីហា ឆ្នាំ ២០១៧នេះ៕