សារចុងក្រោយ James ផ្ញើទៅកាន់អ្នកគាំទ្រ Real Madrid ទាំងអស់

2017-07-12 04:18:29
ចំនួនមតិ 0 | ចំនួនចែករំលែក 0

ចន្លោះមិនឃើញ

James Rodriguez នឹងក្លាយជាកីឡាកររបស់ Bayern Munich ចាប់ពីពេលនេះតទៅ ក្នុងកិច្ចសន្យាខ្ចីជើងរយៈពេល២ឆ្នាំ ពី Real Madrid។ ក្នុងពេលវេលាចុងក្រោយ James ក៏បានផ្ញើសារមួយចំនួនទៅកាន់ Real Madrid កាលពីម្សិលមិញ។

បង្ហោះវីដេអូក្នុង Instagram ក្នុងឈុត Real Madrid ពេលបង្ហាញខ្លួនដំបូងនិងអំឡុងពេលប្រកួត កីឡាករកូឡុំប៊ីរូបនេះតាមសរសេរសារភ្ជាប់ថា៖ "ជូនចំពោះអ្នកគាំទ្រ Real Madrid (Madridistas )ទាំងអស់។ ខ្ញុំពិតជាមានសេចក្ដីរីករាយសម្រាប់ពេលវេលាល្អកន្លងទៅ ដែលពួកយើងបានចែករំលែកក្ដីស្រឡាញ់រយៈពេល៣ឆ្នាំដ៏អស្ចារ្យ។ ខ្ញុំរីករាយដែលបានពាក់អាវ Real Madrid ជាអាវដែលខ្ញុំពាក់ពោរពេញដោយតម្លៃ ហើយខ្ញុំនៅតែអរគុណសម្រាប់ក្ដីស្រឡាញ់។ អរគុណសម្រាប់គ្រប់យ៉ាង"។

A post shared by James Rodríguez (@jamesrodriguez10) on Jul 11, 2017 at 11:41am PDT

ទាក់ទិននឹងការខ្ចីជើងនេះមានសំនួរខ្លះលើកឡើងថា តើ James អាចលេងប៉ះ Real Madrid បានឬអត់នៅ Champions League។ ចម្លើយ៖ James Rodriguez អាចជួយក្លឹបថ្មី Bayern Munich លេងទល់នឹង Real Madrid នៅ UCL ប្រសិនក្រុមទាំងពីចាប់ឆ្នោតជួបគ្នានៅវគ្គ១៦ចុងក្រោយ។ ទូទៅការខ្ចីកីឡាករឆ្លងកាត់លីគបែបនេះ តែងមានកិច្ចសន្យាមួយការពារមិនឲ្យកីឡាករជួបក្រុមចាស់របស់ខ្លួន ប៉ុន្តែ UEFA ដាក់បម្រាមលើការព្រមព្រៀងបែបនេះ។

ជាការពិតក្រុមទាំងពីរ Real និង Bayernគឺមិនអាចស្ថិតក្នុងពូលជាមួយគ្នាបានទេក្នុងវគ្គចែកពូល ដោយសារពួកគេជាក្រុមមានកម្រិតខ្លាំង (Pot One) ប៉ុន្តែនៅវគ្គបន្ទាប់ពួកគេអាចជួបគ្នា ហើយ James ក៏អាចប៉ះ Real Madrid បានដែរ៕

ចុចអាន៖

ប្រភព៖ Marca ប្រែសម្រួល៖ ហេង សុធារិទ្ធិ