ស្វែងយល់ប្រព័ន្ធការពាររន្ទះ ចៀសវាងគ្រោះថ្នាក់រដូវភ្លៀង

2017-07-12 07:08:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធការពាររន្ទះជាប្រព័ន្ធម្យ៉ាងដែលគេបង្កើតឡើងដើម្បីការពារកុំឲ្យមានការខូចខាតផ្ទះសម្បែងពេលត្រូវរន្ទះបាញ់។ បើស្វែងយល់ឲ្យដិតដល់ទៅទើបដឹងថាប្រព័ន្ធនេះមានដំណើរការមិនស្មុគស្មាញប៉ុន្មានទេ អាចឲ្យអ្នកងាយយល់បំផុត។

រូបដ្យាក្រាមពីគំរូនៃប្រព័ន្ធការពារន្ទះបាញ់

ប្រព័ន្ធការពារមានចែកចេញ ៣ ផ្នែកសំខាន់ៗរួមមានរំពាត់ដែកខ្លីៗសម្រាប់ដាក់នៅលើដំបូល, បន្ទាត់ដែកសម្រាប់ដាក់ក្រោមដី និង មានខ្សែភ្លើងសម្រាប់តភ្ជាប់ពីបន្ទាត់ដែកលើដំបូលទៅកាន់បន្ទាត់ដែកក្រោមដី។ ឧបមាថានៅពេលមានរន្ទះបាញ់ចំផ្ទះដែលមានបំពាក់ប្រព័ន្ធនេះ រំពាត់ដែកលើដំបូលជាអ្នកទទួលយកកម្លាំងរន្ទះបាញ់ បន្ទាប់មកបញ្ជូនកម្លាំងនោះទៅតាមខ្សែភ្លើង ដើម្បីឲ្យកម្លាំងនោះទៅដល់រំពាត់ដែលក្រោមដី។ ពេលដល់ក្រោមដីកម្លាំងរន្ទះបាញ់នឹងត្រូវបញ្ចេញនៅក្រោមដីនោះ ដែលនឹងមិនប៉ះពាល់ដល់ផ្ទះឡើយ។

ទស្សនាវីដេអូខាងក្រោមនឹងដឹងកាន់តែច្បាស់ ៖

ទាក់ទងនឹងប្រព័ន្ធការពារនេះដែរ មានជំនឿមួយថាប្រព័ន្ធនេះជាអ្នកស្រូបទាញកម្លាំងរន្ទះបាញ់ ប៉ុន្តែតាមពិតនេះជាការយល់ខុសមួយ។ រន្ទះបាញ់ជាកម្លាំងអគ្គិសនីដ៏ខ្លាំងក្លាមួយ ដោយវាត្រូវរកផ្លូវចម្លងមួយដើម្បីបានមកដល់ដី៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអាន៖

ប្រភព៖ YouTube ប្រែសម្រួល៖ សុខហេង