«ឡូរី» ដែលមានតែមួយគត់លើលោក នឹងបាត់វត្តមានពីកម្ពុជា

2017-07-12 08:22:40
ចំនួនមតិ 0 | ចំនួនចែករំលែក 0

ចន្លោះមិនឃើញ

-បាត់បង់ដោយសារគម្រោងអភិវឌ្ឍផ្លូវដែកឡើងនៅខេត្តបាត់ដំបង -ការជិះណូរីបានក្លាយអាជីវកម្មទេសចរណ៍

«ណូរី» ដែលប្រជាជនខ្មែរ និងជនបរទេសជាច្រើនធ្លាប់ស្គាល់ថា ជាយានជំនិះសម្រាប់ជិះកំសាន្ត និងទេសចរណ៍តាមផ្លូវរថភ្លើង ក្នុងខេត្តបាត់ដំបង ត្រៀមនឹងបាត់បង់ជារៀងរហូតទៅ ដោយសាររដ្ឋាភិបាល បានសម្រេចអភិវឌ្ឍគម្រោងផ្លូវដែកនេះឡើងវិញ។

ឯកឧត្ដម លី បូរិន អនុរដ្ឋលេខាធិការក្រសួងសាធារណការ និងដឹកជញ្ជូន ទទួលបន្ទុកផ្នែកផ្លូវដែកនៅកម្ពុជាបានប្រាប់មកកាន់ Sabay ថា ៖ «ពិតណាស់! តាំងពីរដ្ឋាភិបាលសម្រេចអភិវឌ្ឍគម្រោងផ្លូវដែកឡើងវិញមក ក្រសួងហិរញ្ញវត្ថុ និងធនាគារអភិវឌ្ឍអាស៊ី (ADB) បានផ្ដល់សំណងទៅឲ្យអ្នករត់ណូរីតាមផ្លូវរថភ្លើងរួចហើយ តែអ្នកដែលរត់ក្រោយៗនេះ ពួកគាត់ប្រហែលជាមិនដឹង ឬដឹងហើយតែលួចរត់បន្ត ដើម្បីដឹកភ្ញៀវទេសចរយកប្រាក់កម្រៃ»។

ឯកឧត្តមបានបញ្ជាក់ថា៖ «នៅពេលដែលគម្រោងគេធ្វើទៅដល់តំបន់រត់ណូរីហ្នឹង ពួកគាត់ចាំបាច់ត្រូវឈប់ដោយឯកឯង ព្រោះថារដ្ឋាភិបាលបានប្រកាសរួចហើយ ហើយពួកគាត់ក៏មិនទទួលបានសំណងទៀតដែរ»។

ឯកឧត្តម បានរំលឹកដែរថា «ណូរី» ជាយានជំនិះមានតែមួយគត់នៅលើលោក ដែលសល់តាំងសម័យសង្គមរាស្រ្តនិយម ប្រជាជនខ្មែរសម័យនោះ បានប្រើប្រាស់សម្រាប់ដឹកទំនិញទៅកន្លែងជិតៗ និងដឹកកម្មករ ទាហាន ទៅធ្វើការតាមផ្លូវរថភ្លើង។

យ៉ាងណាមកទល់បច្ចុប្បន្ន ការជិះណូរីបានក្លាយអាជីវកម្មទេសចរណ៍ សម្រាប់ភ្ញៀវខ្មែរត្រូវបង់ ១ ម៉ឺនរៀល និងបរទេស ៥ ដុល្លារ ដែលការធ្វើដំណើរមានរយៈពេលប្រហែល ៣០ នាទី៕

សូមអានអត្ថបទទាក់់ទង -ឯកឧត្ដម លី បូរិន៖ កុំសង់ផ្ទះ ធ្វើគម្រោង នៅជិតផ្លូវដែកឱ្យសោះ បើមិនចង់មានបញ្ហាថ្ងៃក្រោយ -ថ្មីបំផុត! ប្រជាជនកម្ពុជានឹងអាចធ្វើដំណើរតាមផ្លូវដែក ទៅកាន់២៧ប្រទេស -សែនស្រងេះស្រងោច! ពេលដឹងប្រវត្តិផ្លូវដែកដ៏កម្សត់របស់កម្ពុជា

អត្ថបទ៖ ស៊ិន សាវ៉េត

ពាក្យទាក់ទង

ខេត្តបាត់ដំបង

អត្ថបទពេញនិយម

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

Pep ការពារ Haaland ក្រោយ១២ប្រកួតចុងក្រោយរកបាន៣គ្រាប់ក្នុងនាមខ្សែប្រយុទ្ធប្រអប់

ក្រុមហ៊ុន KIA CAMBODIA បញ្ចេញរថយន្តទំនើប ប្រភេទ SUV ស៊េរីចុងក្រោយបង្អស់របស់ខ្លួន មានឈ្មោះថា “KIA SONET”

ខ្ញីកាន់តែចាស់កាន់តែហិល! សួន ចាន់ណារ៉ូ ប្រើអស់ក្បាច់នាំក្រុមវាយបកមហាផ្ទៃយកពានរង្វាន់សម្ដេច ស ខេង

Mohamed Salah ជាប់ឈ្មោះក្នុងបញ្ជីអ្នក Assist ច្រើនជាងគេទាំង១០នៅ EPL

អត្ថបទថ្មី

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ដឹងទេ តើភាពយន្តខ្មែរណាដែលឈរឈ្មោះដណ្ដើមពានអូស្ការដំបូងគេក្នុងប្រវត្តិសាស្ត្រ?

ឯកឧត្តមអភិសន្តិបណ្ឌិត ស សុខា៖ ពិតជាមោទកភាពជាខ្លាំងចំពោះសមិទ្ធផលមេដាយនៃក្រុមគ្រួសារកីឡាក្រសួងមហាផ្ទៃ

មកមើលម៉ូត Fashion តារាអាមេរិកល្បីៗ ក្នុងកម្មវិធី កម្រាលព្រំក្រហម ដ៏ធំមួយ នៅទីក្រុង New York