ឈិន ឡុង នឹងក្លាយជាផ្នែកមួយក្នុងភាពយន្តឯកសារសត្វរបស់ BBC

2017-07-13 02:40:34
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាក្បាច់គុនកុងហ្វូ Jackie Chan នឹងក្លាយជាអ្នកបញ្ចូលសំឡេងក្នុងភាពយន្តឯកសារមួយដែលមានចំណងជើងថា "Earth: One Amazing Day” សម្រាប់អ្នកទស្សនាជនជាតិចិន។

ភាពយន្តឯកសាររបស់ទូរទស្សន៍ BBC ដែលដឹកនាំដោយលោក Peter Webber និងលោក Richard Dale មួយនេះជាភាពយន្តដែល បង្ហាញពីដំណើរស្វែងរកជីវិតរស់នៅលើភពផែនដី និងនាំអ្នកទស្សនាឲ្យស្គាល់ពីដំណើរផ្សងព្រេង ព្រមទាំងជីវិតរាល់សព្វសត្វក្នុងព្រៃ ដោយឆ្លងកាត់ទ្វីបជាច្រើន។

សត្វព្រៃចំនួន ៣៨ នឹងក្លាយតួអង្គសំខាន់ក្នុងភាពយន្តឯកសារមួយនេះ ក្នុងនោះរួមមាន៖ ប្រភេទសត្វបក្សីម្យ៉ាងដែលមានឈ្មោះថា Hummingbird, និងសត្វដែលមិនធ្លាប់ជួបជាច្រើនប្រភេទទៀត។

អ្នកដឹកនាំ Stephen McDonogh បាននិយាយថា៖ "ការបញ្ចេញវោហារ របស់ លោក Robert Redford និង Jackie Chan នឹងកាន់តែមានភាពអស្ចារ្យ ព្រោះអាចទាក់ទាញចិត្តអ្នកទស្សនា និងនាំពួកគេឲ្យកាន់តែយល់ច្បាស់ពី ធម្មជាតិ និងជីវិតក្នុងព្រៃ ជាពិសេសអាចស្វែងយល់ពី ដំណើរផ្សងព្រេងពីមួយថ្ងៃទៅមួយថ្ងៃ”។

កាន់តែរំភើបសល់ពេលមិនយូរទេ “Earth: One Amazing Day” នឹងបង្ហាញខ្លួនជាលើកដំបូងហើយ ពោលគឺនឹងត្រូវបញ្ចាំងនៅថ្ងៃ ទី ០១ ខែសីហាខាងមុខនេះនៅទីក្រុងប៉េកាំង ប្រទេសចិន៕

ចុចអាន៖

ប្រភព៖ chinaentertainmentnews ប្រែសម្រួល៖ យី សុធារី