ហេតុផលនេះហើយធ្វើឲ្យ អេឡិច ច័ន្ទត្រា ចេញចូលអឺរ៉ុបដូចស្រុកកំណើត

2017-07-13 09:38:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែការងារសិល្បៈមិនសូវសម្បូរនៅក្នុងរដូវកាលនេះតារាចម្រៀង អេឡិច ច័ន្ទត្រា បានសម្រេចចិត្តចេញទៅច្រៀងក្រៅប្រទេសនៅពាក់កណ្ដាលខែសីហា នេះតាមការស្នើសុំពីបងប្អូនប្រជាពលរដ្ឋខ្មែរដែលរស់នៅទីនោះ។

អេឡិច ច័ន្ទត្រា បានប្រាប់ Sabay ថា លោកទៅប្រទេសអូស្ត្រាលីនៅពាក់កណ្ដាលខែ សីហា ដល់ពាក់កណ្ដាលខែកញ្ញា នឹងវិលត្រឡប់មកកម្ពុជាវិញ។ មកដល់ស្រុកកំណើតបានប្រហែល១០ ថ្ងៃ ដល់ថ្ងៃទី២៦ ខែកញ្ញា ដដែលត្រូវទៅច្រៀងនៅប្រទេសបារាំងរយៈពេល១ ខែពេញបានវិលមកវិញ។

“បាទខ្ញុំចេញទៅច្រៀង ប្រទេសអូស្ត្រាលី និងប្រទេសបារាំង តាមការអញ្ជើញពីពុកម៉ែបង ប្អូនដែលគាត់រស់នៅទីនោះផ្ទាល់តែម្ដង មិនអាចខកខាន់បានឡើយ។ ខ្ញុំក៏ សូមអភ័យទោស ពុកម៉ែបងប្អូន ទាំងពីរប្រទេសដែលខ្ញុំទៅច្រៀងកំដរអារម្មណ៍បានមួយរយៈពេលខ្លី"។ កំលោះសង្ហាកូនកាត់ចិន រូបនេះថ្លែង។

អេឡិច ច័ន្ទត្រា ជាមួយម្ដាយ

ទោះបីជា អេឡិច ច័ន្ទត្រា ចេញចូលក្រៅប្រទេសដូចទៅផ្សារក្ដី តែក្រុម ELEX ENTERTAINMEN នៅតែដំណើរការទៅមុខជានិច្ច ព្រោះមានក្រុមការងារជាអ្នកមើលខុសត្រូវ និងចាំទទួលរាល់គ្រប់កម្មវិធីដែលអតិថិជនត្រូវការ៕

ចុចអាន៖ជុំវិញ អេឡិច ច័ន្ទត្រា

ចុចអាន៖ជុំវិញតារាជាតិ

ចុចអាន៖ពិតអត់? ពេជ្រ សោភា និង ឈឹម សក្កដា ដឹកដៃគ្នាចូលរោងការ

អត្ថបទ៖ ឆុង ស៊ីណាន