លី តឺហួរ ក្រោយធ្លាក់ពីលើសេះយ៉ាងដំណំ ខកខានការងារជាង ៧ខែ ពេលនេះ...

2017-07-14 01:58:53
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាសម្ដែងប្រចាំទីក្រុង ហុងកុង Andy Lau បានសម្រាកនៅផ្ទះអស់រយៈពេលយូរ តាំងពីចេញពីមន្ទីរពេទ្យនាខែមីនា ហើយពេលនេះលោកបានជាសះស្បើយខ្លះហើយ។

ក្រោយរងរបួសដោយធ្លាក់ពីលើខ្នងសេះយ៉ាងដំណំមក តារាសម្ដែងAndy Lau ឫ លី តឺហួរ បានសម្រេចផ្អាកការសម្ដែងរបស់លោកទាំងអស់ ដើម្បីសម្រាកព្យាបាលសុខភាព ឲ្យបានប្រសើរ និងក៏ដូចជាគោរពតាមវេជ្ជបញ្ជាផងដែរ។ ដោយឡែកឥឡូវនេះ តារាប្រុសវ័យ ៥៥ឆ្នាំរូបនេះ វិលមកចាប់ការងាររបស់ខ្លួនវិញហើយ ហើយក្នុងនោះលោកក៏បានបង្ហាញប្រាប់អ្នកគាំទ្រពីសកម្មភាពដែលកំពុងបំពេញការងារ ក្នុងបំណងកុំឲ្យអ្នកគាំទ្រឈប់មានការព្រួយបារម្ភ។

ភ្ជាប់ជាមួយរូបភាពដែលបានបង្ហោះលើវិបសាយរបស់លោក លី តឺហួរបានសរសេរថា៖ "ខ្ញុំបានប្រសើរជាងមុនហើយ ដូច្នេះអ្នកទាំងអស់គ្នាឈប់មានការព្រួយបារម្ភតទៀតទៅ។ ជួបគ្នាក្នុងសុបិន”។ ជាមួយគ្នានោះ លោកក៏បានបង្ហាញថា ខ្លួននៅក្នុងស្ទូឌីយ៉ូ កំពុងបញ្ចូលសំឡេងក្នុងរឿង "The Adventurers II”។

ក្រោយឃើញរូបភាពអមជាមួយអារម្មណ៍ដែលបានបង្ហាញ អ្នកគាំទ្រនៅតែមានការព្រួយបារម្ភដដែល និងសូមឲ្យថែសុខភាពឲ្យបានល្អផងដែរ។

គួររំឭកផងដែរ Andy Lau បានជួបគ្រោះថ្នាក់ធ្លាក់ពីលើខ្នងសេះ បណ្ដាលប៉ះពាល់ឆ្អឹងខ្នងខ្លាំង កាលពីខែមករា ក្នុងប្រទេសថៃ រហូតត្រូវផ្អាកចោលការងារទាំងអស់មួយរយៈធំ ជាង ៧ខែ។ ទោះបីជាពេលនេះលោកបានធូរស្រាល ប៉ុន្តែលោកនៅតែស្ថិតក្នុងរយៈពេលនៃការព្យាបាលដែរ៕

ចុចអាន៖

ប្រភព៖ entertainment.toggle ប្រែសម្រួល៖ យី សុធារី