ស៊ូ យ៉ាទី ថា​ ទោះ​ SCG Muangthong ​ជា​ជើង​ឯក​លីគ​​ថៃ​ឆ្នាំ​នេះ ​​ក៏​មិន​ខ្លាច​ដែរ

  • 2017-07-14 06:16:28
  • ចំនួនមតិ

ចន្លោះមិនឃើញ

​អ្នក​ចាំ​ទី Cambodian All Stars ​, ស៊ូ យ៉ាទី បាន​លើក​ឡើង​ក្នុង​សន្និសីទ​កាសែត​មុន​នេះ​ថា ក្រុម​របស់​ខ្លួន​​មិន​មាន​ភាព​ញញើត​​ក្រុម SCG Muangthong United ​​នោះ​ទេ សម្រាប់​ការ​ប្រកួត​មិត្ត​ភាព​អន្តរជាតិ​នា​ថ្ងៃ​ទី​១៦ ខែ​កក្កដា ឆ្នាំ​២០១៧ ខាង​មុខ​នេះ។

ស៊ូ យ៉ាទី

ជំនួប​នៃ​ក្រុម Cambodian All Stars និង​ក្រុម SCG Muangthong United ​នឹង​ធ្វើ​ឡើង​វេលា​ម៉ោង ៦:០០​នាទី​នៅ​ពហុ​កីឡដ្ឋាន​ជាតិ។ ទាក់​ទង​ការ​ប្រកួត​នេះ​អ្នក​ចាំ​ទី​ជម្រើស​ជាតិ​កម្ពុជា​រូប​នេះ​បាន​ឲ្យ​ដឹង​ថា ​កីឡាករ Cambodian All Stars ទាំង​អស់​បាន​​ត្រៀម​ខ្លួន​យ៉ាង​ល្អ ហើយ​មាន​ជំនឿ​ចិត្ត​ថា នឹង​អាច​ទប់ទល់​ក្រុម​ខ្លាំង​​ដែល​ជា​ជើង​ឯក​របស់​ថៃ​ឆ្នាំ​២០១៧ នេះ​បាន។

​​យ៉ាទី បន្ថែម​ថា រូប​គេ​ពិត​ជា​មាន​អារម្មណ៍​សប្បាយ​ចិត្ត​ ដែល​បាន​លេង​ជា​មួយ​ក្រុម​ខ្លាំង។ ប៉ុន្តែ​យ៉ាង​ណា​រូប​គេ និង​មិត្ត​រួម​ក្រុម​បាន​តាំង​ចិត្ត​ថា នឹង​ប្រឹងប្រែង​ឲ្យ​អស់​ពី​​សមត្ថភាព​ ហើយ​មិន​ខ្លាច​ចំពោះ​ក្រុម​ខ្លាំង​មួយ​នេះ​នោះ​ដែរ។

​ជំនួប​នៃ​ក្រុម​ទាំង​ពីរ​នេះ​មាន​លក់​សំបុត្រ​​ចំនួន​ពីរ​ប្រភេទ​គឺ​តម្លៃ ៥​ពាន់​រៀល​កន្លែង​​គ្មាន​ដំបូល និង​តម្លៃ ១​ម៉ឺន​រៀល​កន្លែង​​មាន​ដំបូល៕


អត្ថបទ៖ ស្រី សុវណ្ណដារ៉ា​