ប្រុសស្អាត Charyl Chappuis មកកម្ពុជាលើកដំបូង ស្គាល់មុខកីឡាករម្នាក់គត់ តែមិនស្គាល់ឈ្មោះ

2017-07-14 07:14:59
ចំនួនមតិ 0 | ចំនួនចែករំលែក 0

ចន្លោះមិនឃើញ

Charyl Chappuis ជាខ្សែបម្រើរបស់ក្រុម SCG Muangthong United បានបង្ហើបថាខ្លួនមកកម្ពុជានេះគឺជាលើកដំបូង ហើយមិនស្គាល់ឈ្មោះកីឡាករកម្ពុជាណាម្នាក់ទេ ប៉ុន្តែនៅចាំបានខ្សែប្រយុទ្ធមួយរូបរបស់កម្ពុជាធ្លាប់លេងជាមួយគ្នានៅស៊ីហ្គេម២០១៥។

ក្រុមហ៊ុន SCG ដែលជាក្រុមហ៊ុននាំមុខគេមួយនៅក្នុងតំបន់អាស៊ាន ក្រោមកិច្ចសហការជាមួយសហព័ន្ធបាល់ទាត់កម្ពុជាបានប្រកាសក្នុងសន្និសីទថាក្រុមហ៊ុន និងដៃគូសហការបានត្រៀមខ្លួនរៀបចំរួចជាស្រេចហើយសម្រាប់ព្រឹត្តិការណ៍បាល់ទាត់សប្បុរសធម៌ SCG Muangthong United ASEAN Tour 2017 នៅកម្ពុជា។

Charyl Chappuis

ក្នុងឱកាសនេះដែរ លោក Somwang Manpimolchai នាយកប្រចាំប្រទេសនៃក្រុមហ៊ុន SCG នៅកម្ពុជាមានប្រសាសន៍ថា៖ “យើងមានក្ដីរីករាយយ៉ាងខ្លាំងចំពោះព្រឹត្តិការណ៍ប្រកួតនេះ។ ដោយបានរៀបចំម្ដងរួចហើយកាលពីឆ្នាំមុន ហើយក្នុងឆ្នាំនេះ យើងបានត្រលប់មកជាថ្មីម្ដងទៀត ដើម្បីផ្ដល់ជូននូវការប្រកួតបាល់ទាត់អស្ចារ្យ សម្រាប់អ្នកស្រលាញ់វិស័យបាល់ទាត់នៅកម្ពុជា ក៏ដូចជាលើកស្ទួយកីឡាបាល់ទាត់ និងវិស័យបាល់ទាត់នៅកម្ពុជាបន្ថែម។ ក្នុងវិស័យកីឡាករ SCG តែងតែចូលរួមលើកស្ទួយជានិច្ច”។

ដូចគ្នានេះដែរ កីឡាករ Charyl Chappuis បាននិយាយដែរថាខ្លួនរង់ចាំការប្រកួតនេះជាយូរមកហើយ។ កីឡាករនៅក្នុងក្រុម Muangthong តែងតែនិយាយពីការប្រកួតនេះ ដែលឆ្នាំមុនពួកគេបានមកលេងហើយដឹងពីទំហំនៃការគាំទ្រនៅកម្ពុជា។ ខ្សែបម្រើរូបនេះរំពឹងថានឹងធ្វើឱ្យការប្រកួតនៅថ្ងៃ១៦ខាងមុខកាន់តែអស្ចារ្យថែមទៀត។

បញ្ជីឈ្មោះកីឡាករ Muangthong

យ៉ាងណាមិញ ត្បិតតែនេះជាលើកដំបូងសម្រាប់កីឡាករកូនកាត់ស្វីសខាងលើមកកម្ពុជាមែន ប៉ុន្តែរូបគេនៅចាំបានកីឡាករម្នាក់ដែលខ្លួនធ្លាប់លេងជាមួយនៅស៊ីហ្គេមឆ្នាំ២០១៥ (ចាន់ វឌ្ឍនាកា) ថាកីឡាកររូបនេះពិតជាមានសមត្ថភាពល្អ។ តែគួរឱ្យសោកស្ដាយ កីឡាករលេងនៅលីគទី៣របស់ជប៉ុនឆ្នាំនេះ មិនបានចូលលេងឱ្យក្រុម Cambodian All Stars នោះទេ៕

ចុចអានអត្ថបទបន្ដ៖

ស៊ូ យ៉ាទី ថា ទោះ SCG Muangthong ជាជើងឯកលីគថៃឆ្នាំនេះ ក៏មិនខ្លាចដែរ

កំពូលខ្សែប្រយុទ្ធ All Stars កម្ពុជា ២រូប និយាយអ្វីខ្លះចំពោះការប៉ះ SCG Muangthong លើកទី២

អត្ថបទ៖ មុន្នីរម្យ