មូលហេតុនេះធ្វើឲ្យ Adele លែងនិយាយស្ដី

2017-07-16 03:59:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីម្នាក់ដែលទទួលបានកេរ្តិ៍ឈ្មោះល្បីល្បាញដោយសារសំឡេងដ៏សែនពីរោះរបស់ខ្លួនគឺ Adele បានផ្អាកការប្រាស្រ័យទាក់ទងជាពាក្យសម្ដី ដោយប្រើភាសាកាយវិការជំនួសវិញ ក្នុងអំឡុងពេលដែលនាងវិស្សមកាលក្នុងទីក្រុងឡុងសប្ដាហ៍នេះ។

មូលហេតុដែលនាងមិននិយាយស្ដី ត្រូវបានគែដឹងថា ដោយសារនាងបញ្ហាផ្នែកបំពង់សំឡេងធ្ងន់ធ្ងរជាយូរមកហើយ។ មិនត្រឹមតែប៉ុណ្ណោះ កាលពីដើមខែកក្កដានេះ នាងក៏បានផ្អាកការប្រគំតន្ត្រីមួយភ្លាមៗដោយយោងទៅតាមមូលហេតុខាងលើ។

អាន៖ Adele ប្រឈមនឹងការបាត់សំឡេងដើម

ប្រភពមួយបានឲ្យដឹងពីវិវត្តន៍ជំងឺរបស់ថា វាជាការពិតដែល Adele ស្ថិតក្នុងដំណាក់កាលថែទាំសំឡេងរបស់ខ្លួន ទោះបីជានាងធ្លាប់ទទួលការវះកាត់ព្យាបាលបំពង់សំឡេងម្ដងហើយក្នុងឆ្នាំ២០១១ ប៉ុន្តែស្ថានភាពគ្មានអ្វីប្រែប្រួលឡើយ ហើយនៅតែបន្តធ្ងន់ធ្ងរឡើងៗមកដល់ពេលនេះ។

ក្រៅពីធ្វើភាសាកាយវិការ ប្រិយមិត្តដែលបានជួបនាងក្នុងសាលារបស់កូនប្រុសនាង ប្រាប់ថា ម្ចាស់បទ "Hello" បានប្រើវិធីផ្សេងទៀតដើម្បីទាក់ទង ដោយឲ្យស្វាមីខ្លួនជាអ្នកនិយាយជំនួសវិញ។

ប្រភពដដែលនិយាយថា៖ “Adele មិនបញ្ចេញសំឡេង សូម្បីបន្តិច ទោះបីជាពួកយើងទៅសួរនាងផ្ទាល់ ក៏នាងមិនឆ្លើយតបដែរ។ នាងបែរជាឲ្យសញ្ញាទៅប្តីដើម្បីឲ្យឆ្លើយតបទៅវិញ"៕

អាន៖

ប្រភព៖ The Sun ប្រែសម្រួល៖ សុខណា