Man Utd លត់ LA Galaxy ៥-២ ក្នុងជំនួបមិត្តភាពមុននេះ

2017-07-16 05:11:06
ចំនួនមតិ 0 | ចំនួនចែករំលែក 0

ចន្លោះមិនឃើញ

បិសាចក្រហម Manchester United បានលត់ក្រុម LA Galaxy ៥-២ មុននេះក្នុងជំនួបមិត្តភាពនៅលើទឹកដីសហរដ្ឋអាមេរិក។

ការប្រកួតចាប់ផ្ដើមបានតែ ៣នាទីខ្សែប្រយុទ្ធវ័យ ១៩ឆ្នាំ Marcus Rashford ទាត់បំប៉ោងសំណាញ់ទីម្ចាស់ផ្ទះមួយគ្រាប់។ រហូតដល់នាទី២០ ខ្សែប្រយុទ្ធវ័យក្មេងរូបនេះដដែល បានបន្ថែមមួយគ្រាប់ទៀត។ ដល់នាទី២៦ ខ្សែបម្រើជម្រើសជាតិបែលហ្ស៊ិក Marouane Fellaini បន្ថែមមួយគ្រាប់ទៀត ដើម្បីបញ្ចប់វគ្គទី១ជួយ Man Utd នាំមុខ LA ៣-០។

ចូលដល់វគ្គទី២ នាទី៦៧ខ្សែបម្រើ Henrik Mkhitaryan បានបន្ថែមមួយគ្រាប់ទៀត និងគ្រាប់ចុងក្រោយរបស់ក្រុមភ្ញៀវរកបានដោយកីឡាករ Anthony Martial នៅនាទីទី៧២ ដើម្បីនាំមុខ ៥-០។ ប៉ុន្តែយ៉ាងណាម្ចាស់ផ្ទះក៏អាចរកបានពីរគ្រាប់មុនបញ្ចប់ការប្រកួត គឺនៅនាទីទី៨០ និងនាទីទី៨៨ ដោយកីឡាករ Giovani dos Santos ទាំងពីរគ្រាប់។ ចប់ការប្រកួត Manchester United លត់ LA Galaxy ៥-២ ៕