ប្លែកម្យ៉ាងដែរនៅអង់គ្លេស អ្នកកាយសំរាមចេញពីលូ នឹងអាចប្រើអ៊ីនធឺណិតឥតគិតថ្លៃ

2017-07-17 03:48:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនមួយក្នុងចក្រភពអង់គ្លេស បានដាក់ឲ្យសេវាអ៊ីនធឺណិតឥតគិតថ្លៃ (Wi-Fi) តាមតំបន់មួយចំនួនក្នុងប្រទេសរបស់ពួកគេ ប៉ុន្តែដើម្បីអាចប្រើប្រាស់បានអតិថិជនត្រូវឆ្លងកាត់ដំណាក់កាលមួយចំនួនដូចជា ៖

លាងសម្អាតលាមកសត្វតាមទីសាធារណៈ
ផ្ដល់ភាពកក់ក្ដៅ (ឱប) ឆ្កែ ឆ្មាអនាថា
យកដៃកាយសំរាម ដែលស្ទះនៅមាត់លូ
ប្រមូលសំបកកំប៉ុងដែលមានតាមទីសាធារណៈ ឬកន្លែងប្រារព្ធពិធីនានា
គូរគំនូរ ដែលជួយផ្ដល់ភាពស្រស់ស្រាយដល់ជីវិតមនុស្ស
ឆ្កឹះស្ករកៅស៊ូដែលជាប់តាមកន្លែងសាធារណៈ

ប៉ុន្តែ ទោះជាមានការកំណត់យ៉ាងនេះក្ដី មនុស្សជាច្រើន មិនបានអានលក្ខន្តិកទាំងនេះអស់នោះទេ ខណៈពួកគេប្រមាណ ២២ ០០០ នាក់ សុខចិត្តធ្វើទាំងអស់ មុននឹងបានប្រើសេវាអ៊ីនធឺណិតដោយឥតគិតថ្លៃ។

ដោយឡែកការស្ម័គ្រចិត្តធ្វើសកម្មភាពទាំងនេះត្រូវគេដឹងថា មិនមែនព្រោះតែចង់ប្រើប្រាស់ Wi-Fi នោះទេ ប៉ុន្តែ គឺជាការពេញចិត្តធ្វើដើម្បីឲ្យសហគមន៍របស់ពួកគេកាន់តែល្អស្អាតសម្រាប់ការរស់នៅ៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ PhoneArena ប្រែសម្រួល៖ រដ្ឋ