វិធីទិញផ្ទះបង់រំលស់ដោយគ្មានហានិភ័យ សម្រាប់គ្រួសារមានចំណូលមធ្យម

2017-07-19 05:02:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសម្រេចចិត្តក្នុងការដាក់ប្រាក់កក់ដំបូង
ការកំណត់ខ្ទង់ចំណាយប្រចាំថ្ងៃ
សាកួរប្រាក់បំរុង

ការទិញផ្ទះដោយបង់រំលស់ ប្រជាជនកម្ពុជាភាគច្រើន ជាពិសេសអ្នកមានចំណូលខ្ទង់ ១ពាន់ដុល្លារ តែងតែមន្ទិលរឿងការដាក់ប្រាក់កក់ និងប្រាក់សងត្រឡប់ជារៀងរាល់ខែ។ មានន័យថា ពួកគេពិបាកសម្រេចចិត្តថា តើគួរដាក់ប្រាក់កក់ច្រើន ឬតិច ក្នុងគ្រាដំបូង ហើយមួយវិញទៀតនោះគឺ ការបែងចែកប្រាក់បង់រំលស់ជាប្រចាំខែដល់ក្រុមហ៊ុនលក់ផ្ទះ។

អ្នកជំនាញអចលនទ្រព្យ លោក វ៉ា វីរៈ ជាសមាជិកក្រុមប្រឹក្សាភិបាលនៃសមាគមអ្នកវាយតម្លៃអចលនទ្រព្យនៅកម្ពុជា CVEA បានចែកលែកវិធីសាស្ត្រទិញផ្ទះបង់រំលស់ដោយគ្មានហានិភ័យ សម្រាប់គ្រួសារដែលមានចំណូលប្រហែល ១ពាន់ដុល្លារ ក្នុង ១ខែ ដែលមានរៀបរាប់ដូចខាងក្រោម៖

ត្រៀមប្រាក់កក់ដំបូងពី ៣០% ទៅ ៥០%

លោក វីរៈ បានណែនាំថា៖ « បើគាត់មានចំណូល ១ពាន់ដុល្លារ ចង់ទិញផ្ទះតម្លៃមធ្យមខ្ទង់ ៥ ម៉ឺនដុល្លារ គាត់គួរតែបង់ប្រាក់កក់ដំបូង ពី ៣០% ទៅ ៥០% នៃតម្លៃផ្ទះសរុប។ មានន័យថាពេលគាត់កក់ប្រាក់ទុកដំបូងច្រើន វាជួយសម្រួលដល់គាត់បង់ការប្រាក់រំលស់ប្រចាំខែតិច និងឆាប់អស់ ហើយក្នុង១ខែ បង់ប្រហែលតែ ៣០០ ទៅ ៣៥០ ដុល្លារប៉ុណ្ណោះ»។

កំណត់ខ្ទង់ចំណាយប្រចាំថ្ងៃ

លោកថា៖ « បើកក់ប្រាក់ដំបូងក្រោម ៣០% គាត់អាចចំណាយការប្រាក់រំលស់ប្រចាំរហូតដល់ ៦០០ ទៅ ៧០០ដុល្លារ ដែលវាអាចប៉ះពាល់ការចំណាយប្រចាំថ្ងៃគាត់។ តួយ៉ាង គាត់នៅសល់ប្រាក់ ប្រហែល ៣០០ ទៅ ៤០០ដុល្លារ ក្នុង ១ខែ គាត់ត្រូវតែលៃលកចំណាយ និងរិះថាំតាមកម្រៃដែលគាត់មាន។ តែបើមិនចង់មានបញ្ហាចំណាយប្រចាំថ្ងៃរយៈពេលវែង គាត់គួរត្រៀមប្រាក់កក់ដំបូងឲ្យបានច្រើនតាមដែលអាចទៅរួច និងកំណត់ខ្ទង់ចំណាយប្រចាំថ្ងៃឲ្យបានត្រឹមត្រូវ»។

ទុកប្រាក់បំរុង

លោកបញ្ជាក់បន្ថែម៖ « តែបើមានករណីចៃដន្យកើតឡើងណាមួយ ដូចជាឈឺថ្កាត់ ឬគ្រោះថ្នាក់ជាដើម គាត់មិនអាចកាត់ចំណាយបង់ផ្ទះមកជំនួសទេ ហេតុដូច្នេះជាវិធីប្រសើរនោះ គាត់ចាំបាច់ត្រូវសាកួរប្រាក់បំរុង ប្រមាណ ១៥% នៃប្រាក់ចំណូលប្រចាំខែ សម្រាប់ការពារហេតុការណ៍ណាមួយកើតឡើងជាយថាហេតុ»៕

សូមអានអត្ថបទទាក់ទង

អត្ថបទ៖ ស៊ិន សាវ៉េត