បើល្បីៗម្ល៉ឹងៗ តើកំពូលតារាសម្ដែងស្រីចិន អាចរកចំណូលបានប៉ុន្មានពីការថត?

2017-07-19 23:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លាយជាតារាសម្ដែងដ៏ល្បី ប្រជាប្រិយភាពដែលទទួលបានពីអ្នកគាំទ្រជាច្រើនចេះតែកើនឡើង ក្នុងនោះប្រាក់ចំណូលដែលតារាទាំងនោះទទួលបានក៏កើនឡើងទៅតាមនោះដែរ។ ប្រិយមិត្ត ច្បាស់ជាឆ្ងល់ហើយ ថាពួកគេអាចរកចំណូលពីការថតបានប៉ុន្មានទៅ ស្របពេលប្រជាប្រិយរបស់គេខ្ពស់ដេរនោះ? ថ្ងៃនេះ Sabay សូមស្រាយចម្ងល់ទាំងនេះ ដូច្នេះចង់ជ្រាបច្បាស់ ទស្សនាដូចខាងក្រោម៖

១. តារាសម្ដែង Zhou Xun

តំណែងតារាស្រីចិនដែលរកចំណូលបានច្រើនគេ Zhou Xun បានទទួលប្រាក់ចំណូលបានជាង ៩៥លានយ័ន (ប្រហែល ១៤លានដុល្លារ) ពេលសម្ដែងក្នុងរឿង "Ruyi's Royal Love in the Palace” នៅឆ្នាំ ២០១៧។

២. តារាសម្ដែង Fan Bingbing

Fan Bingbing តែងស្ថិតនៅកំពូលតារាចិននៅរយៈពេលប៉ុន្មានឆ្នាំចុងក្រោយនេះមិនដែលដាច់ទេ។ តាមប្រភពព័ត៌មានបានឲ្យដឹងថា តារាស្រីរូបនេះអាចរកចំណូលបានចាប់ពី ៨០លានយ័ន (ប្រហែល ១១,៨លានដុល្លារ) ឡើងទៅក្នុងមួយរឿង។

៣. តារាសម្ដែង Zhang Ziyi

តារាស្រីសម្រស់មិនចេះចាស់រូបនេះ ត្រូវបានចាត់ទុកថាជាតារាស្រីល្បីបំផុតជុំវិញទ្វីបអាស៊ី ព្រមទាំងនៅលោកខាងលិចផងដែរ។ រីឯចំណូលដែលនាង ទទួលបានពីការសម្ដែងយ៉ាងហោចណាស់ ៥៩,៥លានយ័ន (ប្រហែល ៨,៨លានដុល្លារ)។

៤. តារាសម្ដែង Gong Li

ក្នុងឆ្នាំ ២០០៦ Gong Li បានដើរតួក្នុង “Miami Vice” ដែលពេលនោះ មានសេចក្ដីរាយការណ៦មកថា នាងទទួលបានចំណូលជាង ៥លានដុល្លារ។ ដោយឡែក នាងក៏បានគ្រងតំណែង "តារាសម្ដែងស្រីឆ្នើម” ជាប់ៗគ្នាចាប់ពីឆ្នាំ ២០០៧ ដល់ឆ្នាំ ២០១៥ ដូចនេះនាងអាចនឹងបានថ្លៃខ្លួនខ្ពស់ ជាងឆ្នាំមុនៗទៀតក៏ថាបាន នាពេលបច្ចុប្បន្ន។

៥. តារាសម្ដែង Zhao Liying

ស្រីស្អាត Liying មានកេរ្តិ៍ឈ្មោះបោះសំឡេងខ្លាំងតាមរយៈ រឿងភាគជាច្រើនដូចជា "Legend of Lu Zhen” ក្នុងឆ្នាំ ២០១៣, "The Journey of Flower” ឆ្នាំ ២០១៥ និងរឿង "Duckweed" ដែលបញ្ចាំងក្នុងឆ្នាំ ២០១៧នេះ។ ចំណូលដែលនាងទទួលបានក្នុង ១រឿងភាគ អាចចាប់ពី ៤០លានយ័នឡើង (ប្រហែល ៥,៩១ លានដុល្លារឡើង)។

៦. តារាសម្ដែង Yang Mi

Yang Mi បានការគាំទ្រសម្បើមណាស់ ពេលសម្ដែងក្នុងភាពយន្តបែបមនោសញ្ចេតនា "Eternal Love” ក្នុងឆ្នាំ ២០១៧ នេះ។ ក្រឡេកមើលប្រាក់ខែវិញ ត្រូវបានរាយការណ៍ថា អាចរកបានក្នុងតម្លៃ ៥៥០ ០០០យ័ន (ប្រហែល ៨១ ៣៨០ដុល្លារ) ក្នុងមួយរឿង។

៧. តារាសម្ដែង Sun Li

តារាស្រីដែល អ្នកគាំទ្រដាក់ឈ្មោះថា "Queen of Television”។ និយាយពីចំណូល កាលពីឆ្នាំ ២០១៥ តារាស្រីរូបនេះ ទទួលបានចំណូលជាង ៨៥០ ០០០យ័ន (ប្រហែល ១២៥ ៧៦៩ ដុល្លារ) ពីរឿង "The Legend of Mi Yue"។

៨. តារាសម្ដែង Zheng Shuang

តារាសម្ដែងដែលតែងមានវត្តមានជារឿយៗក្នុងរឿងកុន និងរឿងភាគ ហើយថ្មីៗនេះផងដែរ នាងក៏បានក្លាយជាតារាទូរទស្សន៍ស្រីដែលរកចំណូលបានច្រើនជាងគេ គឺជាង ៤០ ០០០យ័ន (ប្រហែល ៥ ៩០០ ដុល្លារ) ពីក្នុង ១រឿងភាគ៕

ចុចអាន៖

ប្រភព៖ Stomp ប្រែសម្រួល៖ យី សុធារី