ហេតុផលដែល Lisa ក្លាយជាតារាលំដាប់ A នៅប្រទេសថៃ

2017-07-19 10:25:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាទើបតែបាន Debut ជាតារាថ្មីប្រចាំសិល្បៈ K-Pop កាលពីឆ្នាំមុន ពេលនេះ Lisa សមាជិកក្រុមចម្រៀង BLACKPINK បានក្លាយជាកំពូលតារានៅប្រទេសថៃរួចទៅហើយ។

Lisa តែងតែទទួលបាននូវការស្វាគមន៍យ៉ាងកក់ក្ដៅពីសំណាក់អ្នកគាំទ្រនៅប្រទេសថៃ ដែលជាប្រទេសកំណើតរបស់នាង។

Lisa បានក្លាយជាបេក្ខជន Trainee របស់ផលិតកម្ម YG ហើយបានមកនៅប្រទេសកូរ៉េតាំងពីឆ្នាំ ២០១១ មកម្ល៉េះ ប៉ុន្តែនាងតែងតែធ្វើដំណើរមកប្រទេសថៃជាញឹកញាប់ដើម្បីមកលេងគ្រួសារនិងមិត្តភក្តិ។

នាងចាប់ផ្ដើមល្បីខ្លាំងនៅប្រទេសថៃតាំងតែពីក្លាយជាបេក្ខជន Trainee មកម្ល៉េះ ហើយចាប់តាំងពីពេលនោះមក អ្នកគាំទ្ររបស់នាងកាន់តែកើនឡើងមិនឈប់។

ទោះបីជា Lisa មានភាពល្បីល្បាញខ្លាំងក៏ដោយ ក៏នាងនៅតែមិនភ្លេចជួបជាមួយនឹងអ្នកគាំទ្រនាងហើយព្រមទាំងចំណាយពេលជាច្រើនជជែកជាមួយពួកគេទៀតផង។

Lisa ពេលនេះក៏ល្បីខ្លាំងនៅប្រទេសកូរ៉េផងដែរ ដោយសារតែសម្រស់ ទេពកោសល្យ និង អាកប្បកិរិយាដ៏គួរឲ្យស្រលាញ់របស់នាង រហូតមានកម្មវិធីទូរទស្សន៍ផ្ទាល់ខ្លួនរបស់នាងដែលមានឈ្មោះថា "Attraction TV”។

Lisa គឺពិតជាសាកសមខ្លាំងណាស់ចំពោះតំណែងរបស់នាងដែលគេបានដាក់ថាជា "Thailand's Princess!”៕