ក្ដុកក្ដួល! មូលហេតុការស្លាប់របស់តារាចម្រៀងល្បី Chester Bennington

2017-07-21 01:59:02
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Chester Bennington តារាចម្រៀងដ៏សំខាន់ម្នាក់ក្នុងក្រុមតន្រ្តីរ៉ក់ Linkin Park បានទទួលមរណភាពហើយកាលពីម្សិលមិញ។

សេចក្ដីរាយការណ៍ជាច្រើនបានចុះផ្សាយថា តារាចម្រៀង Chester Bennington ត្រូវបានប្រទះឃើញថាស្លាប់ហើយ កាលពីម៉ោង៩ ព្រឹក ថ្ងៃព្រហស្បតិ៍ទី ២០ ខែកក្កដាម្សិលមិញ នៅអាយុ ៤១ឆ្នាំ នៅទីក្រុង Los Angeles សហរដ្ឋអាមេរិក។ មរណភាពរបស់តារាប្រុសរូបនេះ បើតាមអាជ្ញាធរមានសមត្ថកិច្ច បានចាត់ទុកករណីនេះថា ជាការធ្វើអត្តឃាតខ្លួនឯង ដោយសារបាក់ទឹកចិត្ត មានសំពាធ និងប្រើប្រាស់គ្រឿងស្រវឹងជ្រុល។

ព័ត៌មានដ៏ក្ដុកក្ដួលនេះ ធ្វើឲ្យសមាជិកក្រុម មិត្តរួមអាជីព និងអ្នកគាំទ្រជុំវិញពិភពលោកភ្ញាក់ផ្អើល និងរំជួលចិត្តខ្លាំងណាស់ ចំពោះការបាត់បង់តារាចម្រៀងដ៏មានទេពកោសល្យមួយនេះ។

គួរបញ្ជាក់ផងដែរថា តារាចម្រៀងរូបនេះទទួលបានភាពល្បីល្បាញខ្លាំង ជាពិសេសលោកគឺជាតារាចម្រៀងដ៏លេចធ្លោម្នាក់ក្នុងក្រុមចម្រៀង Linkin Park។ ក្រោយបង្កើតបាន ៤ឆ្នាំមក ក្រុមនេះក៏បានជោគជ័យជាមួយអាល់ប៊ុមចម្រៀងរបស់ពួកគេ "Hybrid Theory” ក្នុងឆ្នាំ ២០០០។ បទចម្រៀងរបស់ក្រុមតែងទទួលបានការគាំទ្រជាច្រើន ហើយក្នុងចំណោមនោះ បទដែលល្បីខ្លាំងជាងគេគឺបទ "Numb”៕

ចុចអាន៖

ប្រភព៖ CNN ប្រែសម្រួល៖ យី សុធារី