មុនទិញ Prius ជិះ ដឹងវាឧស្សាហ៍មានបញ្ហាអីច្រើនបំផុតទេ?

2017-07-24 03:43:25
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តកូនកាត់កម្លាំងម៉ាស៊ីនសាំង លាយថាមពលអគ្គិសនី Prius ត្រូវផលិតចេញជា ៤ ជំនាន់ ខណៈម៉ូដែលឆ្នាំ ២០០៣ ដល់ ២០០៩ ត្រូវគេឃើញថាឧស្សាហមានបញ្ហាជាច្រើនរហូតតម្រូវជួសជុលអស់រាប់ពាន់ដុល្លារ សម្រាប់ករណីខ្លះ។

Prius ២០០៦

បញ្ហាដែល Prius ជំនាន់ទី ១ ឆ្នាំ ១៩៩៧ ដល់ ២០០៣ ច្រើនជួប គឺប្រអប់លេខ និងហ្វ្រាំងអេឡិចត្រូនិក ដែលលាន់សំឡេងពេលបញ្ចូលលេខដំបូងបន្ទាប់ពីបញ្ឆេះម៉ាស៊ីន និងញ័រកង់។ ប្រព័ន្ធប្រកាសដំណឹងដំណើរការច្រើនខុសប្រក្រតី ដោយភ្លើងតាប្លូតែងបង្ហាញព័ត៌មានពីការឡើងកម្ដៅម៉ាស៊ីនហួសកម្រិត និងម៉ាស៊ីនដំណើរការមិនស្របតាមបច្ចេកទេសដែលគេនិយមហៅថាចេញ Check ខណៈការពិតរថយន្តគ្មានបញ្ហាអ្វីទាំងអស់។

សម្រាប់ Prius ជំនាន់ទី ២ ឆ្នាំ ២០០៤ ដល់ ២០០៩ រមែងមានបញ្ហាម៉ាស៊ីនលាន់សំឡេងដូចឆ្លងភ្លើងពេលបញ្ឆេះដំបូង និងញ័រកង់ពេលបួងចង្កូត ហើយប្រព័ន្ធភ្លើងសម្រាប់ប្រកាសអាសន្នដំណើរការឧស្សាហខុសប្រក្រតី និងឆ្លងដូចជំនាន់ទីមួយដូច្នេះដែរ។

ចំពោះបញ្ហាដែលកើតមាននៅលើ Prius ទាំងនេះ ក៏ត្រូវគេដឹងថាមកពីខ្សែទង់ដែងរុំម៉ូទ័រអគ្គិសនីរបស់ពួកវាឆាប់ដាច់ និងជើងក្រោមមិនសូវរឹងមាំដែលងាយបោរ ខណៈចាប់ពីម៉ូដែលឆ្នាំ ២០១០ ឡើងគឺលែងមានបញ្ហាទាំងនោះហើយ៕