ស្រក់ទឹកភ្នែក! បើដឹងមូលហេតុ Chester Bennington ធ្លាក់ខ្លួនញៀនថ្នាំរហូតដល់សម្លាប់ខ្លួន

2017-07-22 03:13:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ព័ត៌មានជុំវិញការស្លាប់របស់តារាចម្រៀង Chester Bennington មកពីក្រុម Linkin Park នៅតែធ្វើឲ្យមហាជនមួយចំនួនចង់ដឹងច្បាស់បន្ថែមទៀត ពីមូលហេតុដែលលោកសម្រេចបញ្ចប់ជីវិតនៅវ័យក្មេងបែបនេះ។

បើតាមវិបសាយ Metro ដែលចុះផ្សាយកាលពីម្សិលមិញ បាននិយាយថា Chester បានតស៊ូជាមួយនឹង សម្ពាធផ្លូវចិត្តជាយូរ រហូតបញ្ហានាំលោក ឲ្យសេពគ្រឿងញៀន និងជាតិស្រវឹងត្រាំត្រែងបែបនេះ។ រំឭកកាលពីក្នុងបទសម្ភាសន៍មុនៗ តារាចម្រៀងរូបនេះធ្លាប់បាននិយាយថា កាលពីនៅក្មេង លោកធ្លាប់រងការធ្វើបាប ជាហេតុធ្វើឲ្យជីវិតធ្លាក់ដុនដាបរហូតមក។

Chester ធ្លាប់ត្រូវបានមិត្តភ័ក្ដិម្នាក់ដែលមានអាយុបងលោកប៉ុន្មានឆ្នាំ រំលោភតាំងពីអាយុ ៧ ដល់ ១៣ឆ្នាំ។ បូករួមនឹងវិបត្តិគ្រួសារ ឪពុកម្ដាយលែងលះគ្នា ទើបឲ្យបុរសម្នាក់នេះទៅក្នុងពិភពញៀន រហូតត្រូវម្ដាយដេញចេញពីផ្ទះ នៅពេលលោកមានអាយុ ១៧ឆ្នាំ។

Chester Bennington កាលនៅរស់ និងប្រពន្ធ កូនរបស់លោក

ក្រោយបរាជ័យស្នេហាទី ១ លោកក៏បានសាងអនាគតជាមួយភរិយាទី ២ ដែលមានឈ្មោះថា Talinda។ រៀបការហើយ ៧ខែ ប្រពន្ធក្រោយរូបនេះក៏ធ្លាប់និយាយដែរថា មិនដែលមានថ្ងៃណាដែលថា Chester មិនផឹកទេ។

ចុងបញ្ចប់ លោកតារាចម្រៀង ក្រុម Linkin Park សម្រេចបញ្ចប់រឿងរ៉ាវគ្រប់យ៉ាង ដោយធ្វើអត្តឃាតខ្លួនឯង ដោយបានបន្សល់ទុកនូវកូនប្រុសស្រី ៦នាក់ ស្នាដៃជាច្រើន និងក្ដីអាឡោះអាល័យពីមិត្តភ័ក្ដិ និងអ្នកគាំទ្រជាច្រើនជុំវិញពិភពលោក៕

ចុចអាន៖

ប្រភព៖ Metro ប្រែសម្រួល៖ យី សុធារី