ស្រាយចម្ងល់រឿង ក្រុមមីយ៉ាន់ម៉ា មាន៦ពិន្ទុ តែនៅធ្លាក់ចេញ ខណៈក្រុមផ្សេងមានត្រឹម៥ពិន្ទុជាប់

2017-07-24 02:31:29
ចំនួនមតិ 0 | ចំនួនចែករំលែក 0

ចន្លោះមិនឃើញ

មានមតិមួយចំនួនកំពុងតែឆ្ងល់ខ្លាំងមែនទែន ចំពោះរឿងដែលក្រុមមីយ៉ាន់ម៉ានៅពូល F ( AFC U-23 Championship Qualifiers 2018) មានរហូតដល់ទៅ៦ពិន្ទុក្នុងដៃ ប៉ុន្តែមិនអាចជាប់ជាក្រុមលេខ២ល្អឡើងទៅវគ្គបន្ដបាន។

ចំពោះរឿងនេះវិញ បើតាមការសម្រេចយក AFC គឺដោយសារតែក្នុងពូល A ដែលមាន៤ក្រុមនោះ មានប្រទេសស្រីលង្កាមួយបានដកខ្លួនចេញពីការប្រកួតវគ្គជម្រុះនេះ ដូច្នេះហើយ ទើបគេសម្រេចថាលទ្ធផលក្រុមលេខ២ល្អបំផុតគឺមិនបូកពិន្ទុជាមួយក្រុមចុងក្រោយគេនោះទេ។ ដោយនេះមានន័យថា ការប្រកួតគ្រប់ពូលទាំងអស់ លេខ១បានឡើងទៅដោយស្វ័យប្រវត្តិ ប៉ុន្តែសម្រាប់លេខ២វិញត្រូវគិតពិន្ទុគ្នាម្ដងទៀត។ ការគិតពិន្ទុនេះ គឺគេមិនតម្រូវឱ្យគិតរួមជាមួយការប្រកួតជាមួយក្រុមចំណាត់ថ្នាក់លេខ៤ក្នុងពូលនោះទេ។

តួយ៉ាងដូចជាពូល F ដែលមានអូស្ត្រាលី មីយ៉ាន់ម៉ា សិង្ហបុរី និងព្រុយណេដូច្នេះដែរ គឺក្រុមមីយ៉ាន់ម៉ា តម្រូវឱ្យគិតចំណាត់ថ្នាក់លេខ២ ជាមួយពូលផ្សេងទៀត ដោយមិនគិតពីការប្រកួតជាមួយព្រុយណេ ដែលស្ថិតនៅបាតតារាងឡើង។ ខណៈដែលជប៉ុននៅពូលជាមួយកម្ពុជាក៏ដូចជា គឺមិនត្រូវពិន្ទុជាមួយក្រុមហ្វីលីពីនដែលស្ថិតនៅបាតតារាងនោះទេ៕